Folkloreobe in salta met guetem wii ond iheimischem aesse ond di wondervolle wasserfaell Iguazu...

Halli hallo zaeme

"jaaaaaaa sie leben noch...." hihi. mer hend di ellelangi busfahrt vo salta uf iguazu oeberlaebt. aber zerscht no vo eusem geile Folklore-obe.

Da esch mega cool gsii. mer hend emene schoene Restaurant en tesch reserviert ond send mega gspanne gsii well de waebi eus gseit het mer muesse da onbedengt mache. poenktlech am haubi zaehni semmer de e das restaurant inegwatzlet ond hend a eusem tesch platz gno. natuerli hemmer de tesch zvorerscht verwoetscht. wenn da nome guet chont, het de kev de gmeint. hihi. jo mer hend de mol di sache bstellt wo de waebi eus gseit het muesse mer probiere ond send woerklech positiv oeberrascht gsii. es esch eifach supper gsii. ond en guete iheimische wii hemmer ou no dezue tronke. mhhh. mer hend empanadas,humitas ond tamal gaesse. da send iheimischi spezialitaete. eifach suuuper. mer choene euch ned genau saege was alles denne gsii esch, emu fleisch, ond e eim hets no mais usw gha. momol. ;) ( ned froge...aesse!!!)

De het de obe gstartet. das tanzpaar het eus en super show abgleferet ond mer hend di beschte ussechte gha. wo de de saenger s'ganze restaurant gfrogt het wohaer das di einzelne persone choeme haemmer natuerli euse saenf ou no dezue geh ond womer gseit hend das mer vo de Suiza choeme hend alli luet "ahh" ond "ohh" gseit. esch no wetzig, do esch dschwiiz oepis mega bsondrigs ond alli kenne eusi schoeni schwiiz. sooo schoen...jo ond de het er vorgschlage das dschwiizer no choente en tanz ablefere. super ideee. de kevi esch als erschts draa cho. hihi. mer hend natuerli weder ke ahnig gha vo ergendoeppis ond hend eifach oeppis gmacht. sganze restaurant het en riiiese freud gha a eus ond alli hend klatschet. piindlech..hihi...ond de esch natuerli no s'stibeli dra cho ond es het sech alles oeppe glich abgspellt we bem kev. aber es esch mega schoen gsii. danke waebi foer de super tip!

Am noechschte tag haemmer eusi langi busfahrt en agreff gno. mer hend scho chli bedaenke gha, dass mer e dene 23 stond em car zspenne choeme aber es esch alles haub so schlemm gsii-waere ned hender ond naebe eus no je 2 chliini chend ghocket wo di ganz ziit a eusne setz ome groetlet hend...*grrrr*

zom gloeck hend de die ou einisch gschlofe, bes am morge am haubi vieri ond de haends natuerli honger gha wells nuet gaesse hend wos znacht geh het. naja mer hends de muesse so neh wes esch ond sbeschte druus mache.

am zwoei zmettag semmer de en puerto iguazu achoo. am busbahnhof hemmer de grad weder muesse luege waege emene billet nach buenos aires. mer hend eus dasmou chli en bessere car gleischtet wod de setz fasch chasch zomene bett mache. herrlech. die fahrt duret weder rond 17 stond ond de semmer aentli bim waebi. phuuuu..vo det us goemmer de nochli wiiter e suede ond e weschte vo argentinie.

zpuerto iguazu am busbahnhof haend weder luet gwartet vode hostels. mer hend eus de foer s'hostel inn entschede. det hets sogar no en pool. ond es eignigs bad hemmer ou em zemmer. mer hends weder mol bruucht dases chli suber esch ond dass mer chli privatsphaere gha hend. sletschte hotel in salta esch scho fasch chli a eusere eckelgraenze verbii..

jo ond det haemmer de grad no en tour buechet foer adi wasserfaell. es esch am morge am achti losgange rechtig wasserfaell meteme buesli. es send no vell anderi vom hotel metcho ond so haemmer eus de a zwoei spanier agschlosse. ond de semmer ploetzli a dene riesegrosse wasserfaell gstande. wow. eifach es wonderschoens naturspektakel. mer cha sech da fasch ned vorstelle, di send so oeberwaeltigend. mer het de choene mega noech a di wasserfaell aene ond mer het enand fasch ned verstande wells eso gruschet het. eifach fantastisch. nass semmer natuerli ame ou echli worde.

e dere tour esch no en bootsfahrt debii gsii. met dem semer ou mega noech ad faell aene ond det semmer de rechtig nass worde. aber es esch mega loschtig gsii. voll cool.

de semer no meteme zog gfahre wo eus ane andere ussechtsponkt brocht het. det het mer di brasilianischi siite ganz guet gseh. dgraenze vo dene zwoei laender goht genau ede metti vom floss dore. esch no interessant.

Noch dem tag semmer zemlech mued gsii ond haend em hotel no s billiard gspellt ond send de goge schlofe well am noechschte morge haemmer scho weder en tour ufem programm gha. dasmol uf di brasilianischi siite vode wasserfaell. es esch ganz andersch als uf de argentinische siite. mer esch ned so noech ade faell saelber sondern gseht eifach genial dranaehne. wenes panoramabeld vo de ganze wasserfaell. esch ou no speziell gsii.

am nomitag womer weder zrog em hotel gsii send semmer chli a pool ghaenget ond hend relaxet. bi fasch 30 grad ond gueter musig, oeppe es bierli, wa wotsch no meh?

morn gots de am nomittag am 2 wiiter uf buenos aires. det semmer am sonntig am morge am sebni..( sorry waebi..;))

mer hoffe das mer det e dere geile stadt chli snachtlaebe choene go gnnuesse ond ede stibe ere geburtstag dete fiire. nochaene wette mer uf pesuales valdes goge d'wale sueche..(gaeu senti...*smile*)

auso mer woensche euch es ganz es schoens wocheaend

was ou emmer der mache, theater, motocross etc..gaehnd aues ond trenket oeppe eis foer eus.

mer gseht sech e drue woche..

hast pronto

kuss

stibi ond kevi

Aentli z argentinie (weder i de zivilisation)

hola muchachos
que tal?
mer send jo ebe z chile z san pedro glandet ond haend gmeint mer sege velecht hoechschtens en tag det. aber ebe dem war nicht so... es het genau 2 busonternaehme wo uf salta in argentine fahre. super, aber si fahre nor am sonntig, zieschtig ond am friitig... ond das esch ou de grond werom mer vom donnschtig bes am sonntig det gsi send. de esch no alles eso tuer det, woell jo d luet ned waeg choenne... cleveri sieche....
mer send de am samschtig no goge sandboarde... mer haend es velo ond es sandboard gmietet ond los esches gange...
met de super gnaue charte semmer eifach mol en stond met em velo de baerg ufgfahre... doch es esch eifach mega schoen gsi, vo de landschafte haer.. hammer.
wo mer acho send a dem sandhoegu, semmer die erschte gsi.. de esch de no es outo cho met 4 luet denne ond emene teacher. die send de chli schnaeller de sandhougu ufeglofe als mer. aber ebe mer send ou ned met em outo cho...
uf jede fall haemmer de dene mou zuegluegt onds de ou scho grad saelber probiert... esch ned ganz glich wie snowboard fahre.. jo aendlech wie em neuschnee, aber met oeisne boards hesch eifach nor graedi abe choenne, soescht besch noemme vom flaeck cho. aber es esch mega funny gsi. mer send de paar mol abegfahre, ou es paar mou omgheit (het aber zom gloeck ned weh do) ond de send schare vo luet cho. mer haend de gnueh gha vom emmer ueschiegge ond send onde am hoeggu heghocket ond haned oeis ab de anderene koeschtlech amuesiert..
mer send de wede3r zrogg uf oeisene super bikes wo fasch kei bremse me gha haend...
jo ond am noechschte morge esches de aentli uf argentinie gange..
am 10.30 semmer abgfahre ond am zoll esch weder mol alles guet gange, serschte mol wos metemene drogehond cho send.. aber wie gseit es esch de zemli schnaell wiiter gange. mer send de nach total 11,5 stond em car enne, a oeisem ziel acho.. salta in argentinie
ah jo d stross esch eso dorab gange wie der uf dem super stibi-pic gsaehnd.. -}
de fahrer hets aber mega em greff gha..
mer send de am 22 uhr do am busterminal gstande ond haend es hotel brucht... jo aber kei panik woell do scho nacht esch. do send secher 15 persone gstande metemene ordner wosi foeteli denne gha haend vo ehrem hotel oder hostel.. mer hand de ou mol eis gnho, ond das esch weder mol en rese abstiegi gsii, pfui, nei es esch scho gange, esch ou bellig gsi...
jo ond am morge hemmer de zerscht muesse go gaeld waechsle... ond de s hotel haemmer de ou no grad gwaechslet..
jo o de haemmer mega feini sandwiches gaesse, fasch wie be oeis. ned spenne de standard haemmer scho afig chli gsaenkt. aber uf jede fall s beschte sed mer noemme diheime send..
dan kam die frage:" wie kommen wir nach iguazu?" (det send so hammer wasserfaell, da esch a de graenze zo brasilie) met em bus ca 24 stonde oder evt. fliegen?
fluege duend alli nor oeber buenos aires ond keine diraekt, jo de haemer oeis de foer e bues entschede.. womer de das billet gha haend foer morn zieschtig nomitag, semmer met em gondeli (do choeme so rechigi skigfuehl uf) uf de hogger ue 1470 meter oeber meer esch de gsi. mer het aber en herlechi ussecht gha uf die ganzi stadt salta.. hammer...
jep ond jetzt hocke mer do em internet kafi ond duend chli schriebe ond laese was so abgoht dihei.. am obe waerde mer no met em waebi telefoniere ond de sone geile folklore tanz ond musig obe go iezieh ond en feine argentinische wii trenke...
ach ja ich hoffe auch die zuercher verstehen unseren blogg sonst gibt es sicher im google einen translator :-) spass muss sein..
@ rolf: mer daenke emmer a dini uftrett ond send schochli truurig emer das johr ned live debii, aber mer freue oeis scho mega uf de dvd ond de choenne mer de secher no oeppe einisch das lied senge" janna nein..."
mer woensche der no 2 gueti uftrett ond vell spass ou a de bar :-)
@ senti: danke foer d foeteli vo de tornfahrt, waer ou garn debii gsi... ond haett met oeich en sou bloedi doo.. geili tornerinne..
@ soli roli, der trainer: jo gloube de nazer haender leider ned in greff oebercho.. naja wiiter gohts ond jetzt muend 3 bohne he gaege buffy alias chicken buffy. jo daenke emmer a oeich fcg-ler ond liede met oeich. ha nach 2 moenet brune fuessballplaetz z chile in mitten der wueste en gras gruene konschtrase gseh... mer send fasch traene cho.. wett doch ou weder tschutte.. hopp fcg.. mer daenke a oeich... ond haend vom simu maenu enderlin persoenlech erfahre daser weder zrogg chont.. was foernes gloeck.. gloube mer bruche de goalgetter drengend, leider esch s graeniche spel scho verbii...:-)
@ ruth ond dani: danke foer oeichi schweige minute.. doch die arbet doeffe der auso gaern wiiterhen mache.. do hani nuet degaege.. aber froeie mi scho ou weder ufs baeckerslaebe..(ond vorallem ufs z morge freue mer oeis beidi mega)
@ nudi: mer freue oeis uf dech ond die andere zom weder mol so rechtig as blaech he zhoue..

hasta pronto
ond waebi mer send gli be der jeahhh
dann wir BA unsecher gmacht...

@ alli blogg- laeser: d foeteli hani leider i de falsche reihefolg iedoo, sorry.

3 taeg metem jeep onderwaegs vo uyuni bis uf chile

hallo zaeme
nochdem mer e ganze tag en uyuni omegloffe send ond ned gwoesst hend bi wem dass mer sele bueche haemmer eus de eifach foer s'tuuerschte entschede. mer haend daenkt dass da secher besser esch wen mr echli meh zahle. ond mer hend ou woerkli es guets gfuehl gha. am noechschte morge semmer de a euse traeffponkt ond hend eusi groppe kenneglehrt. mega cooli luet. drue vo london ond eini vo holland. mer hend de natuerli weder muesse warte ond vo eusere agentur esch ploetzli niemer me ome gsii. si hend eus de eifach ene jeep ieverfrachtet. ond de haemmer no vo eim es billet oebercho foer uf chile. das haett selle ede tour debii sii. aber mer hend es ganz es anders billet gha als alli andere.
mer hend do scho daenkt dass oeppis ned stemmt, send aber glich met voller hoffnig e de jeep igstege.
Mer send de rechtig salz-see gfahre. wow eifach e riesigi flaechi volle salz. ganz geil gsii. det haemmer de es paar stops gmacht ond hend choenne di wonderschoeni ussecht gnuesse.
ufem see hemmer de ou zmettag gaesse. met oeppe 30 andere jeeps wo di tour ou gmacht hend. det hets riesigi kaktus gha da haemmer no nie gseh. da esch mega idroecklech gsii. nochem zmettag hemmer de no so cooli belder gmacht met de toblerone. esch no schwerig gsii aber es het mega spass gmacht echli uszprobiere. ond di belder send ned emol so schlaecht usecho weder choene gse.
D'idee dezue haemmer emene pup en uyuni klauet. aber mer send wiitus ned di einzige gsii wo dere belder kopiert hend. hihi.. me cha mega cooli sache mache.
de haemmer no es museum bsuechet wo usere hoehli bestoht wo fruehner luet drenne gwohnt hend. e dere hoehli hets ganz vell chliini hoehline gha e dene hend si schiinbar gwohnt. da send ganz chlini moensche gsii. krass..
nochaene semmer wiitergfahre ond ergendeinisch haemmer de salzsee hender eus gloh ond send de uf sand wiitergfahre. wiit ond breit esch eifach nuet gsii, esch no onheimlech gsii..wenn nome de cheibe jeep ned abliit..;)
am obe hets scho di erschte chliine problem geh met eusere super tour. die em buero hend eus gseit mer hege es doppelzemmer emene hostel. jo chasch daenke. es esch ned emol noime oeppis reserviert gsii foer eus. mer hend also muesse e dem "doerfli" zmetzt ede wueschti es hostel sueche wo no freie plaetz gha het. noch langem chlopfe ond rueffe het de doch no oepper ufgmacht ond eus ufgnoh. mer hend de es zemmer gha met 8 bett denne ond 2 defoo send ned benotzbar gsi wells eso derewaeg kapott gsii send.

ond es esch arsch-chaut gsii. naja mer hend eus de muesse met dem zfrede stelle. es paar vonere andere groppe hend no muesse ergend emene chaemmerli schloffe wos gar ke bett gha het, di hend ene de eifach ergendoeppis a bode gleit dases ned eso chaut gsii esch. supper!
mer hend de afo es charte-speli spele wo eifach mega loschtig gsii esch. met es paar glaesli wii haemmer de ou chli waermer gha. noch guet zwe stond hongere hets de doch no oeppis z'aesse geh. es het soppe ond lasagne geh.
nochem aesse haemmer de nochli charte gpsellt ond send de mued es bett gfalle.

Am noechschte morge haemmer vor luuter honger szmorge fasch ned choenne erwarte. aber leider esches ned de hammer gsii. es het nome brot geh vo vorvorgeschter, butter ond gonfi. en anderi groppe het sogar no froeschi froecht ond muesli oebercho..schniff.. ond mer hend doch esoo honger ghaa. mann...

a dem tag hemmer verschedeni see bsuechet. det hets ganz vell flamingos gha, ke ahnig werom , mer hend gmeint di sege nome det wos warm esch. ond det esches woerkli zapfe chaut gsii.
a eim vo dene 5 see hemmer de zmettag gaesse. weder fasch am verhongere ond weder en grossi enttueschig. :)
echli chauti teigwaare, chauti haerdoeppfu gmues ond poulet.
naja, mer hets choenne aesse aber es haett besser choenne si.
am nomitag semmer wiiter dors nuet gfahre ond haend no seinte oder sandere bsuechet.
dlandschaft esch eifach ongloublech schoen gsii.

am obe hemmer natuerli weder sgliiche problem gha we am vorobe. kei zemmer reserviert. mer send woerkli afe aui chli stenkig gsii.
womer de eis gfonde hend haends eus enes zemmer welle stecke wod di fasch ned hesch choenne dreie, aber houptsach 6 bett drenne. mer hend eus de gweigeret det enne zschloffe. schlossaentlech hends eifach us desem zemmer eis bett usegnoh onds enes anders inegstellt. hihi. ond es esch eifach andersch chaut gsi. mer hend alli chleider womer gfonde hend agleit. ede nacht chas det bes zo minus 20 grad waerde.
mer hend weder speli gmacht ond wii tronke. ( da het schoen warm geh ;) )

Noch zwe stond esch de s'aesse aentlech cho. aber was esch das??? es tuperware voll pommes met woerschtli ond chli tomate. erschtens send d'pommes fasch gfrore gsii ond zwoitens hemmer ede groppe 2 vegis gha. ond die hend da sowiso ned aglaengt. shit. da esch woerkli d'haerti gsii. mer send so haessig gsii ond hend eus gweigeret das zaesse. die hend natuerli dwaeut noemme verstande. mer hend de nomol zwe flaesche wi gholt ond echli brot ond chroemmli gaesse.
e dem "ruum" womer gsii send het so oeppis aendlechs wenes cheminee gha wos eifach chli hend choenne heize. aso went ned ganz noech bi dem deng gstande besch hesch vode waermi nuet gmerkt.
uf au faeu semmer ergendeinisch di einzige gsii ond hend saeuber muesse fuere. :) wo de de jamie das het welle ed haend ne esch das ganze zaemegstoerzt. es het mega koeblet ond ploetzli esch oeberau nome no rouch gsii. es het so gstonke aber mer hend fasch noemme choenne vor lache. de ganz ruum esch eifach gfoellt gsii met dem stenkige rouch. womer de das weder ufgstellt hend ond echli verloeftet hemmer euses speli wiitergfuehrt. mer hend zwar chum choenne schnufe aber met eusne supper haustuecher esches de scho ergendwie gange. ;)

A eusem letschte tag vo dere tour hemmer am morge am foifi muesse ufstoh well mer hend welle de sonneufgang gseh. de hemmer denn natuerli verpasst.
naja mer send alli froh gsii dass di tour glii zaend esch. aber mer hends so super gha ede groppe dass da ergendwie alles haub so schlemm gsii esch.

mer hend de no so heissi quellene bsuechet
womer no het choenne goge bade. aber ede stibe esches z'chaut gsii. de kevi esch natuerli ine. ;) hihi. da wasser esch 38 grad warm gsii.

jo ond de haemmer eus scho ufe waeg rechtig chile gmacht. det hemmer muesse ene andere bus istige. eus het eifach ergendwie niemer welle. ;) met eusem komische billet. womer de euse bus aentli gfonde hend het sech de usegstellt dass das billet eigentli foer geschter gsii waer. scheisse!
mer send so haessig gsii esch eifach alles chli zvell gsii, di luet im bus hend eus de mega gholfe aber mer hend de natuerli glich weder muesse zahle. joonose. eusi naerve send oeberstrapaziert gsii.

aber em gross ond ganze esch di tour woerkli schoen gsii, mer hend so schoeni sache doeffe gseh ond hends met desne so super gha.

mer send jetzt en chile en san pedro. da esch eifach es doerfli zmetzt em nuet. es esch mega chlii. geschter hends zchile no de nationalfiirtag gha ond zobe esch grande fiesta gsii.

Zo auem paech aene hets de stibe am bankomat no s'chaertli ie zoge. mer hend welle goge gaeud useloh ond e dem momaent esch alles abgstoerzt ond ede stibe eres chaertli esch noemme usechoo...mer send woerkli fasch verzwiiflet,

aus waer da ned scho gnue gsii a dem tag. :( naja. eus het de en flotte kaerli vonere baeckerei gholfe ond esch met em kev ufd polizei ond het mega ometelefoniert. aber well jo nationalfiirtag gsii esch, haemmer sowiso ke chance gha dass ergendoepper haett choenne cho de chaschte repariere. mer hend de aui hoffnig scho ufgeh gha ond s'chaertli welle spere. de kevi esch de am obe nomol goge luege ond de het eine vomene lade grad naebem bankomat gseit er selli warte beses ke luet me hegi, er choin eus velech haeufe.
nach guet einere stond warte heter toere zue do ond het bim bankomat schnaeu de decku gloepft. ond siehe da, ede stibe eres chaertli esch det gsii met oeppe 4 anderne wos ou iezoge het. mein gott eus esch e rechtig grosse stei vom haerze gheit. de het eus s'laebe grettet.:) er het de gseit mer selle eifach niemerem oeppis saege. jo ond so haemmer da cheibe chaertli ou weder.

am obe hemmer a dem fescht no 5 schwiizer troffe wo do schaffe. met dene semmer de chli de beize no ond hend oeppe eis zaeme gnoh. eine esch sogar vo reckebach ond emmer bem soli goges znueni poschte. dwaeut esch haut maengisch scho huere chlii...

di andere vo eusere groppe send ou do ond met dene goemmer jz de oeppis goge trenke. :)


@ knaus und bluemli:
mer send jetzt guet 3 woche onderwaegs vo cusco. doch semmer zcusco ond zla paz 5 taeg gsi. en bolivie muender eifach no oeppe 2 taeg reserve ìplane well det choents scho sii dast mol chli muesch warte waege streiks ond blokade. mer hend foer euch no es paar sache ufgschrebe, so gueti hotel, restaurant etc...mer hoffe mer gsaehnd euch no einisch zom euch das zoebergeh.

am sonntig gots foer eus wiiter uf salta. das esch de scho argentinie.

liebi gruess

stibi ond kev

nach la paz semmer uf potosi ond jetz scho z uyuni

sali zaeme

bevor mer us la paz abgreist send, haemmer natuerli em mani no es es chlises plakat bastetlet zom 50. geburtstag, a dere stell nomol alles gueti.

de haemer natuerli em dave ond de corinne ou no grd eis baschtlet zor hochziit, hoffe ou der haend en super tag doeffe erlaebe.

jo womer de met dem plakat uf d stross gstande send, haend alli luet mega gluegt, esch no loschtig gsi. de chef vo oeisere stammbeiz het auso gueti fotine gmacht... danke.

de semmer ebe vo la paz abgreist, wie der velecht ghoert haend, haends do mega problem in bolivie. die cheibe spenne ond goehnd auso rechtig ufenand los. so semmer i de nacht uf potosi gfahre. det esch alles no ruehig gsi. det haemer de am nommitag en bsuech e somene selber-mine-baergwaerk gmacht. das esch ongloublech das mer so em loch onde cha schaffe. hey das stuebt det ond esch warm so 45 m i de aerde enne. mer haend auso scho ou chli angscht gha... (dorom haemmer de mamis nuet devo verzellt..) doch es het sech weder emol glohnt so i dene tunnels ome zschnogge ond mol z gseh wie das so esch. zom gloeck het niemer gschaffet, soescht waer jo d loft no vell verreckter gsi. meine wens jo ame no sprenge ond so.. de stuebts jo andersch det enne ond aeng esches ou eso scho gsi...

en bombe haemer de ou no baschtlet ond de azoendet, esch scho no komisch sone cheib e de hand zha, ond de guide het si de noeimet deponiert wos ca 4 minute nachem azoende ond alne fotine mache de ou andersch kloepft het. ond das em freie, mer haend oeis de choenne vorstelle wies kloepft haeti e dem bergwerk enne.

mer send uf jedefau froh gsi semmer weder heil usecho ond send no am laebe. meine mer weiss jo nie wens zaemegheit oder istoerzt. mer haends emu oeberstande ond hend sehr en guete guide gha. de het selber scho det onde gschaffet, het de aber muesse ufhoere waege de gsondheit (roegge).. ond macht jetzt eifach so fuehrige. ond das macht er super..

jo de semmer am noechschte morge en rechtig uyuni abgfahre. die fahrt esch lanschaftlech weder mega schoen gsi. doch es het oeis weder mol 7 stond doregschoettlet, ond de besch eifach froh went weder noeimet achonsch.. ond das semmer de ou ergendeinisch todkapott. de haemer es guets hotel gfonde ond send no fein goge esse. esch so en meschig gsi zwoesche beachbar ond beach restaurant het emu feins aesse geh ond feini drinks..

do z uyuni esch debekannti salar de uyuni (salzsee). ond do hets weder tuuusig tureabieter ond de soetisch ame de rechtig fende,das esch mega astraengend. mer haned emu noni buechet. mer mache do en 3 taegegi tour on am drette tag verloehmer bolivie ond goehnd uf chile. mer send de ebe grad so a de graenze zu chile ond de waers jo hol weder zrogzfahre. woell vo uyuni us esches ou ned so liecht uf argentinie zcho. muesstisch met em zog fahre ond de fahrt ergend am morge am 2.50 uhr ab. ond das woerdi eh weder huere lang goh bes mer weder noeimet waere. ond vo chile us soette gueti bues nach argetinie fahre. mer waerdes de gseh..

auso waebi mer choeme gli... ond freue oeis..

We survived the most dangerous road in the world...

Ola zaeme..
nochdem mer vo puno us abgfahre send rechtig bolivie haemmer nach guet einehaub stond fahre metem bus e panne gha zmetzt ede pampa osse..hihi...jo aso zerscht esches no loschtig gsii aber womer de gmerkt haend dass alles schruebele ond mache nuet noetzt vo eusne busfahrer, esches de scho chli muehsam worde. mer haend de guet drue stond muesse warte ufene ersatzbus. zom gloeck haemer nochli onderhaltig gha vones paar israelis wo d'gitarre debii gha hend. de haemmer de ou scho weder choenne wiiterfahre. ade graenze peru-bolivie esch alles sehr schnaell ond onkompliziert oeber drondi gange. em bus haemmer de gmerkt dass no zwoi anderi schwiizer met an bord send.;) loschtig.
met dene semmer de ou am obe en copacabana chli en usgang. es esch mega loschtig gsii ond de alkohol esch gflosse..;) scho klar, es send ou zwoi walliser gsi..;) flotti cheibe..es send de ploetzli no australier,englaender ond soesch no es paar a eusem tesch ghocket. oje oje..aber es het weder mol guet do echli zfeschte ond eifach chli met schwiizer zploiderle..
jo guet mer haend de nochere chorze nacht am noechschte morge uf eusi tour muesse womer am vortag buechet hend foer ufd isla del sol..wenn mer ehrlech send waere bemene hoerli ned gange, well mer eifach no derewaeg mued gsii send..;) aber mer haend de aui chraeft womer no gha hend foer di tour gopferet.
d'isla del sol esch ned vell andersch als die womer en puno bsuechet hend, es esch eifach de ort wo d'inka erschaffe worde send, angaeblech.. jo es het eifach es museum on de haet mer no choenne inkaruine besechtige, aber di send ergendwo am baerg obe gsii ond da haemmer eus woerkli ned welle adue..( schwach, mer woesses aber i gloube mer waere nie acho det obe..;))
mer send gottefroh gsii womer weder uf copacabana zrogggfahre send ond haend choenne goge pfuuse...
Am Maentig haemmer de vor gha metem bus uf la paz zfahre. womer denn haend welle eusi plaetz go reserviere het das mandeli nome de chopf gschoettlet ond emmer ufe radio zeigt. s'einzige womer verstande haend em radio esch "la paz" gsii.. mer haend natuerli weder aues geh ond aui eusi spanisch-kenntins hende voere gno. i gloube wenn der da ame woerde ghoere woerde der omgheie vor lache. eus verdaetschts maengisch sauber fasch. naja..
mer haend de usegfonde dass si rechtig la paz dstrosse blockiert hend. die ruere eifach aues ufd dstoss, chees, stei etc.
en bolivie esches raecht normau dasses emmer weder streiks ond blockadene get. ond denn goht eifach nuet meh. de hocksch eifach det wod grad besch ond hoffsch dass di luet baud weder zor vernonft choeme. mein gott, di send jo woerkli ned normau, wenn meer 3 mol ede woche woerde streike ond alles lahm gleit waer...jo sali...
de maa het eus de gseit mer selle am eis nomou cho ond de luege mer de wiiter. do copacabana relativ es chliises touriste-doerfli esch semmer ned di einzige gsii wo uf la paz hend welle. soesch fahre normau au stond bues uf la paz..ah jo da haette mer fasch no vergaesse..obwohl ebe copacabana sones toureschtedorf esch hets wiit ond breit e kei bancomat!!! da haemer jz woerkli no nie erlaebt dass mer niene gaeud bechonnt..zom gloeck haemmer nochli euro ond dollars gha womer hend choenne waechsle damet mer euses hotel hend choenne zahle..
guet mer send de am eis weder zo dem mandeli ond de esch scho rechtig em stress gsii weumer ploetzli uf la paz het choenne fahre. gloeck gha. aber da gloeck het ned lang aene gha. emene chliine doerfli 1 stond vo copacabana entfaernt haemmer weder muesse warte wells ergendwo weder en blockade gha hend. ( do wert mer maengisch woerkli haube wahnsennig. aber hey, thats bolivia) nach guet ere haub stond haemmer de weder choenne wiiterfahre. di stross esch emmer no blockiert gsii ond so semmer haut de oeber feld ond acker gfahre. da esch ke wetz. mer send sozaege eifach om di stross ome gfahre ofeme faeld wo eigentli ke stross waer. mini naerve!!!
zo auem aene hets no baech gha ond maengisch semmer woerkli fasch steckeblobe. aber es esch woerkli weder emou spannend gsii..hihi...guet mer haend de 6 stond gha uf la paz statt drue.
do muesch eifach vell vell naerve ond gedoud ha ond di jo nie oeber ergendoepis ufrege di luet send haut ganz andersch aus mer schwiizer, do esch aues emmer haub so schlemm ond chomi hoet ned chomi morn..es esch aber ou loschtig.
La paz esch en resegrossi stadt. si esch 3660 meter oeber meer ond het 1.5 millione iwohner. di stadt esch we emene chessu. wend es zentrum wotsch muesch eifach abeloufe. ( aber leider ou aues weder ue ) ond da esch maengisch e dere hoechi no zemli astraengend. aber so bliibe mer fit. es het e jedere stross ond e jedem gaessli ergend en maert, segs met chleider,chetteli,chruetli,tuecher ond ond ond..do choent mer glatt ene choufsocht verfaue. ond zo auem oebu esch aues no eso derewaeg bellig. si haend woerkli sehr schoeni sache. mer choente aues choufe es esch woerkli schlemm. es paar ohrereng choschte hoechschtens 1.-fr. hallo??? hihihi..de kev muess s'stibeli ame reguraecht vo dene staend waegrisse. ;)) ah jo ond natuerli haustuecher haends ou mega vell...e aune farbe ond variatione..gfoerli gfoehrli...;)

Z'la paz haemmer de e tour buechet zom goge mountain bike. jupiii..aber es esch en spezielli stross. die heisst dead-road. toent schlemmer ases esch aber es send scho sehr vell moensche uf dere stross toedlech verongloeckt. d'strecki esch 64 km lang metere hoehedifferenz vo 3600 meter. naebe de stross gots bes zo 600 meter ed tueffi. ( zitter) am afang farsch ofere teerete stross ond de nome no of chees. Afo duet di tour uf 4750 meter obe. det chont mer di ganzi usroeschtig oeber. helm, hose, jacke, haentsche ond svelo. es wert eim aues ganz genau erklaert ond es send woerkli mega liebi guides gsii. si haend eus aui regle ond s'wechtigschte vo dere stross erklaert.
ond de esches de ou scho los gange. meteme komische gfuehl im buuch semmer losgfahre s'loch abe. es esch de ned oeppe fahrverbot uf dere dead-road. det fahre lastwage ond outo. da esch ebe ou chli s'gfoehrleche. aber mer gseht eigendli emmer was vore chont ond mer het hende ond vore en guide ond die duend enand emmer fonke wenn oeppis esch.
es esch mega cool gsii. aber ou astraengend. da het ame nome eso zetteret. aber mer hend emmer vell pousene igleit ond weder oeppe e banane odr schoggi gaesse. ;)
noch oeppe 5 oder 6 stond semmer de a eusem ziel acho. det hets es feins bier geh ond en chauti duschi. ah het das guet do, mer hend naemli gschwetzt wed hornochse. ;)
noch de duschi hets de no oeppis feins z'aesse geh ond bem aesse haemmer choenne d'foeteli, wos de ganz tag dore gmacht hend, aluege. wow, esch scho es geils gfuel so di gfoehrlechscht stross metem bike hender sech zha...
am obe semmer zemli of de schnetz gsii ond send no e feine salot ond spaghetti e euses stammlokau goge verbotze. mhhhhh eifach de hammer.

jo euses hostel womer hend esch echli komisch. ergendwie aues so haenger. do chasch sowiso a jedem egge droge ha. kokkain ond mariuana send do voll em trend. naja foer eus esches of jede fau nuet. aber es esch ame so loschtig, de waends der weder ergend en tour verchoufe ond went nei seisch seiter er hegi do no e zwoite job, oeb mer chli kokks welle oder oepis anders.. mein gott...

en santa cruz ond sucre ( das esch wiiter suedlech) haends em momaent schlemmi usenadersetige ond demonstratione. ( weder emol )
aso da heisst em momaent hange mer weder echli fescht. mer goend morn uf potosi. da esch naebe sucre. mol luege oeb mer det aene choeme. oje da esch ou emer e cheibe zueg.
det wette mer goge d'selbermine aluege.

hoet haemmer eus no eusi schueh lo potze ond de haemmer nochli met dene gret. ( aso probiert :)) di hend eus de gseit mer selle jo ned uf santa cruz oder sucre det sigs em momaent mega gfoehrli ond onsicher.
si hend no gseit dass si gloub onzfrede send met erem praesidaent onds dorom em momaent eifach schwerig seg en bolivie.
jo mer hoffe dass mers ergendwie chli choenne omgoh ond de gliich no a salar de uyuni choeme ond det e schoeni 3 tages tour om de sauzsee choenne mache.


mer woensche euch e ganz e schoene tag met vell sonneschie. mer haend emmer mega schoens waetter, dore tag esches ame fasch heiss ond am obe ond ede nacht esches arsch-chaut.
hehe.

bes gli, am maentig haemmer jo nome no 5 woche foer eus..das esch jo verrockt we schnaell dass das goht. schniifff..aber mer freue eus natuerli ou ufd schwiiz ond natuerli uf euch alli...

@ alli blog-laeser: mer hend erfahre dass sehr vell eusi brecht goehnd goge laese was eus natuerli sehr sehr freut. mer woerde eus aber ou oeberne kommentar vo euch freue, mer hend emmer mega freud wenn der oeppis ineschriebe ond mer gsaehnd dass der eus ned vergaesse hend. auso los schwiizer, schriibet was das zeug haelt!! Smile...

@ jolae: mer woensche der nochtraeglech aues liebi ond gueti zom geburtstag. vell vell gloeck uf dim wiitere laebenswaeg ond bliib sone froehleche moensch. du besch en super frou ond en sensationelli verchoeiferi. schmatzzzz

@ mani: ou der woensche mer nome s'alleribeschte uf dere waelt zo dim geburtstag ond woensche der am samschtig es onvergaesslechs fescht. mer waere woerkli so gaern debii zom met der astosse. aber da choenne mer jo emol nochehole. mer daenke a euch am samschtig.

@ dave ond corinne: mer hoffe dass der am samschtig en onvergaessleche tag doeffe erlaebe. es esch so oeppis schoens wenn mer sech defoer entscheidet de bond vom laebe izgoh. mer woensche euch nome sbeschte of euchem wiitere waeg metenand ond met euchem chliine sonneschiindli, em linus. mer waere sehr gaern debii gsii am schoenschte tag vo euchem laebe. mer send e gedanke be euch..

mer hend euch aui lieb.

liebi gruess us bolivie

ond scho ufem titicacasee omegfahre

hey geili schwiizer
alles klar be oeich?
be oeis esch alles beschtens. mer haend zwar ned choene dord nacht fahre met em bus, waegem streik, aber de semmer de am morge rechtig puno gfahre. puno esch grad am titicacasee. jo ond det semmer de am nomitag am 2 acho. chum usgstege ond s gepaeck gholt (es esch weder emol alles acho) haend oeis scho 1000 taxichauffeure erwartet ond belaeschtiget. ergend einisch haemmer de no geh ond send ines taxi gstege. guet ond de fohts ame ersch ah, de waends der emol es hotel ufschnore. oje mer weder kei ahnig haend emol d priesklass gseit ond ca e welere gaegend, ond de semmer ou scho emene hotel ene gstande. guet d stibe esch de mol goge s zemmer aluege ond go de pries verhandle. tatsaechlech esch alles guet gsi. auso s hotel haette mer gha ond so wiesi gseit haend sogar met agua caliente (heiss wasser) ond das foer 40 sol statt foer 70. schnaeppchen! aber wo ist der hacken?
jo de het oeis de liebi herr natuerli no welle en tour atreihe.
klar ou das het weder sehr guet toehnt. mer haend natuerli ou do zue gseit. jo das esch emmer so schwerig, mer weiss nie oebs klappet ond das ou alles serioes esch. do muesch eifach ame hoffe ond gott vertroue ha. mer haend es guets gfuehl gha , dorom haemer ehm de ou no grad es busbillet abkouft foer uf la paz (bolivie) metemene stopp in copacabana. das esch ou am titicacasee eifach uf bolivianischer siite.
guet de tag esch cho, wo uscho esch oeb die tour oebis esch.
uf jede fall semmer im hotel abgholt worde ond i hafe gfahre.
det semmer de ines boot igstege ond los esches gange.
nach 30 minute fahre semmer ou scho be de erschte ensel acho. das send ganz spezielli ensle. die schwemme so ufenere art wie korke ond werde met vellne so spezielle schelfgraeser zuebetet. jedi 2ti woche muend si en noei schecht druff tue. das het de ou mega gfaederet bem loufe. det haemer de en chlini demo oebercho wie das alles fonktioniert ond gseh we die laebe. so wie der uf de ondere 2 fotine choene gseh.


es esch det alles us dene graeser gmacht, d hueser, d bett, d stsuehl, eifach alles. kochet werd verosse ond reise duend si met so geile gflochtne scheff ou weder us dene pflanze.
esch mega idroecklech gsi.
de semmer de wieter zor noechschte ensle. met em boot 2.5 stond gfahre. wo de captain het muesse ufs wc, esch de spontan de kev as stuer. das esch ou eifach de hammer gsi, voll onkompliziert het de em kev vertrout.
uf dere ensle haemmer de ou weder en chorzi demo gha ond de feine fesch gaesse. mhhh de cheib esch woerkli mega guet gsi.
de semmer echli uf dere ensle omeglofe ond de ou scho glii weder zrogg gfahre met em boot.


das esch de ou weder 3 stond gange, aber de cheib esch ou mega gmuetli gfahre. mer send de weder guet acho ond es esch en super tour gsi.
de semmer em hotel goge dusche ond es esch sogar warms, nei heiss wasser cho jupii.
jetzt haemmer fein z nacht gha ond es guets troepfli rote tronke....
morn gohts met em buss uf copacabana ond vo det wette mer de nomol ufene ensle goh. das esch jo de scho bolivie ond det esch denet de ziit ondersched nor no -6 stond.
s geile esch mer choene do oepe no s us open verfolge, det esch jo oeppe die glichi ziit mer hoffe natuerli dass de roger morn goennt ond d schwiizer nati natuerli ou, aber was ou no wechtig waer wen de geili fcg woerd de erschti sieg ifahre...
oepe en foti vo de rockparty waer no cool z gseh foer oeis...
jo ond senti i ha leider din super tschuttiball verlore..... sniff
s allerheil mettel do esch kokatee... das helft eifach gaege alles.. ond de cheibe tee esch no guet..
hasta pronto
stibe, kev

euse lang ersehnti bsuech ufem machu picchu

nochdem mer en cusco glandet send haemmer en nacht ond en tag e dem wonderschoene ond traditionelle staedtli verbrocht. dore tag semmer di omlegende ruine goge aluege ond bestuune. de haemmer no muesse es zogbillet goge poschte foer ufe machu picchu. det he chont mer ebe nome metem zog, ond de esch soutuer..naja..mer haend de beschlosse dass mer im doerfli vom machu picchu ei nacht verbrenge ond de am noechschte morge vor aune tagesusfloegler ufe erschti bus goehnd. da het gheisse am haui foifi ufstoh ond am foifi ufem busbahnhof sii..phuuu...aso wenn der jz meine nome mer zwoi send eso herti sieche gsii wo so frueh ufgstande send haender euch dosche. es het mega vell luet scho gha wo ufe bus gwartet hend. aber mer haends de doch ufe zwoit bus gschafft wo ufe machu picchu gfahre esch. wow.. womer dore igang gloffe send het sech vor eus es riesegrosses labirinth usbreitet. mer haend gar ned gwoesst womer dore muend, natuerli haend alli andere es plaendli gha ossert mer ned. :) mer send de eifach emou enes paarne noche gloffe...typisch!! ;)

mer send de em zick zack en steile waeg ufegloffe. vo det us haemmer en super ussecht gha uf di ganzi alag ond haend choenne s'typische poschtcharte-beld schuesse vo dere wonderschoene inka-stadt.

es esch aues no so gheimnisvoll gsi, dstemmig am hemmel, fasch no ke luet ond eifach dasd jz ufem machu picchu besch...oeber de baerge esch chorz drofabe de ou dsonne ufgange. es esch eifach wonderschoen gsi..

uf dem ussechtsponkt semmer fasch di einzige gsii ond haends ou rechtig gnosse. womer ploetzli gseh hend dass alli luet a ei ort gsecklet send haemmer eus zersch droeber amuesiert. ond eus gfrogt was aech det weder esch. hihi..

mer send de met eusem chliine plaendli vom lonelyplanet e dem riesige labyrinth omegloffe ond haend eus probiert zraecht fende. esch loschtig gsii, de kevi het de spontan no chli reisefuehrer gspellt, well mer eifach woerkli ne gwoesst haend wo dass mer jz genau send, oeb ede chochi em gfaengnis oder emene wohnhus. naja..

es esch emu schoen gsi ond loschtig. ( gschecht het eus haut no nie so woerkli interessiert..)

Ergendeinisch semmer de ou a dem ort acho wo di vele luet aui agstande send. Mer haend de daenkt mer stoehnd ou emou a mou luege wases zgoenne get.;)

Womer de ca en viertel stond agstande send ond emmer noni gwoesst haend foer was eigentli esch de e maa cho ond het eusi billet welle. det druf heter eus es zaetteli bostitchet.

AHAAAA da esch foer ufe wayana picchu ufe! das esch de steili baerg woder hender eus zwoi gsaehnd. det chamer ebe ufe loufe aber es sell

zemli gfoehrli ond astraengend sii. ond so haend mer zwoi fuule saeck eus degaege entschede. ( mer haend jo emmer no eusi wanderig ede chnoche gspuert..)

nochdem semmer nochli omegloffe ond haend eus de ergendeinisch ad sonne gleit ond eifach di wonderschoen stemmig gnosse.

es esch scho es bsondrigs gfuehl gsii...

es esch e wonderschoene tag gsi ond leider haemmer am zwoi scho weder ufe zog rechtig cusco muesse.

mer haend ned ganz bes uf cusco choenne fahre metem zog weu si ergend en demonstration gha hend ond si gmeint hend dases secherer sig de

raeschte no metem bus zfahre.

es esch landschaftlech weder en wonderschoeni fahrt gsii.

am noechschte tag haemmer eigentli welle goge river-rafte aber es het eus niemer welle en tour abiete well am noechschte tag en streik ufem plan gstande esch. hmm...

jo ond de streik esch den ou cho. es send eifach honderti vo luet dord dstrosse gloffe ond haend gaege ergendoepis demonstriert. da esch gloub do no oefters de fall en peru. ond bolivie sell no schlemmer sii..na dann prost! si haend eus fasch niene me welle ineloh well aui eri gschaefter dermasse verbarikatiert hend.. hihi..soesch gets ami be so demonstratione no raecht usschritige. es hend aui emmer "dangerous" gseit. aber es esch ploetzli aues verbii gsi ond zom gloeck ou nuet passiert.

wenn mer ame zobe oeppis waend goge aesse wersch fasch es restaurant gresse. do stoht vor jedem restaurant eine wo der wot sini charte zeige. ond es het es paar restaurant do. guet, went de ed chart luegsch gots keni zwe minute ond de stoend oeppe 10 om di ome ond waend der dcharte zeige. mensch esch da astraengend. aber ou loschtig. chasch sogar dini sonderwoensch abrenge ond de wo de druf i goht, zo dem gosch de! so haemmer scho thonspaghetti choenne ushandle. hehe..aesse duemmer sehr guet do. besser als in equador. es esch sowiso alles chli andersch als in equador. dluet send ou ganz andersch vell froehndlecher ond helfbereiter. jede wot woesse wohaer das mer choeme ond dschwiiz kennt natuerli jede do!

geschter semmer no enere bar gsii. gloeklecherwiies esch grad no happy hour gsii..

weder emou luuti musig ond e feine cuba libre..mhhh..

de kev het de ou no sini kreativi siite muesse zeige ond het met roehrli es haerzli foerd schwiiz baschtlet.

das getraenk do heisst pisco sour. es esch no speziell aber mer haends no gaern. es esch peruanische schnaps met limonette, eiwiis ond vell zocker. esch echli aehnlech we be eus de caipirinha.

hoet zobe goemmer meteme nachtbus rechtig puno. da esch am titicacasee. de sell jo ou troumhaft schoen sii..mol gugge...;)

mer woensche euch en schoeni woche.

bis bald

@ ruth: do onde spellt ou jede panfloete. woerd der secher gfalle. bim znachtaesse en schoeni vorfuerig zgniesse. esch emmer mega schoen.