BUENOS AIRES

Halloo zaeme..

mer send weder guet en buenos aires bim waebi achoo..ond zo eusem erstuune het sogar dsonne gschone ond es esch schoen warm gsii..sletsch mou womer en buenos aires gsii send hets nome graegnet ond esch bewoelkt ond bedroeckt gsii..

am friitig semmer no meteme scheff ufem rio de la plata omedueset..da esch cheibe schoen gsii..mer hend de nochli picknicket am floss ond nochaene weder hei..

am obe semmer de fein goge aesse ond nochaene nochli goge billiard spele..mer hend a dem obe ou nochli e usgang welle..da do en argentinie aber dusgangsziite echlii andersch send als bi eus esches eus scho chli komisch vorchoo..;)

goge aesse gosch ned vor de nuene haube zaehne, de essisch bes oeppe am eufi haubi zwoelfi ond de gosch zersch emol ene bar oder ebe goge billiard spele..ersch so om di zwoei gosch do ed disco..di meischte choeme aber ersch am drue..*smile* de goehnd mer ede schwiiz ame hei..;)

mer send de ebe ene disco am zwoei ond hend dete nochli taenzlet..meteme iheimische getraenk wo schmoeckt we appizeller met coci esches no vell renger gange..;)

womer de us de disco usechoo send esches doch tatsaechlech scho hell gsii..ond das am morge am saechsii..

es esch en mega schoene obe gsii, de samschtig haemmer haut dementspraechend echli verschlofe aber da macht jo ou nuet..

jo ond hoet goemmer no ane tschuttimatch zobe...esch we wenn gc gaege zoeri woerd spele..sell en sehr en guete match sii,..hoffe mers emol..;)

saendi vo eusere reis chonnt emmer we noecher..sesch scho verockt we schnaell dass es gange esch..

mer freue eus riesig foer hei..

mer choeme am mettwoch am haubi drue en zoeri ah..mer freue eus euch alli weder doeffe en arm zneh ond euch ganz vell zverzelle..

bis gliii

mer vier hend buenos aires onsecher gmacht..;)

sprinkler-dance..;) kenne der de scho?

de waebi und d'virginia

sesch eifach en mega coole obe gsii...

no comment..;)

nomol no comment..

de kev und de waebi am shake..

shet emmer e cheib vou outo...

di wonderschoeni stadt buenos aires

auf dem ruecken der pferde ond d'wii-tuur en mendoza..

hola chicas y chicos
mer hend aentli es internet-cafi gfonde wo dfoeteli chli schnaell ueladt..wow..dorom ruehre mer jz grad e ladig ine..;)
ond jz haemmer ou aentli dfoeteli vo bariloche choenne inedue..

mer send guet en mendoza achoo ond hend leider echli es gruusigs hostel verwoetscht. naja. de ade reception get eus esoo derewaeg ufd naerve, mer gloube de esch schwul, de het emmer so komischs zueg a ond benemmt sech woerkli sehr eigeartig..;) ond bsoffe escher ou jede obe..was met de potzfrou los esch woesse mer ou noni gnau, gloube di hend gar e keni..nei es esch woerkli chli gruusig aber mer hend jo scho vell erlaebt ond jz no so zom schloss verchrafte mer ou das no..dommerwiis hemmer grad 4 naecht zahlt..s'truscheli ade reception esch sogar zdomm gsii zom en quittig uszstelle, oje oje...ond de haends gseit mer muesse de no szemmer waechsle am noechschte tag, aber am noechschte morge het niemer meh oeppis vo dem gwoesst..jo ebe esch aues chli komisch e dem hostel..sget emu emer oeppis zlache..;)

do en mendoza hets sehr vell paerk ond eine esch resegross. det hends am samschtig ond am sonntig emmer maert ond e cheibe chelbi..hihi..
mer send de natuerli am samschtig obe grad det e de park ond send e rase ghocket ond hend de luet zuegluegt. sget scho ganz komischi luet uf dere waelt...smile...
es glas rotwii het omgrachnet oeppe 0.30 franke koschtet.so cool..ond do gets de cheibe guete wiii..
di hend de so rechtig open-air stemmig gmacht ond es esch woerkli sehr schoen gsii.

mer hend de sogar no en wii-tour gmacht. da esch ou oeppis loschtigs gsii..de sends di choge abhole em hostel meteme chline buessli ond de semmer 2 verschedeni wii ondernaehme goge aluege. en mendoza gets em gsammte oeppe 920 verschedeni ondernaehme wo wii produziere. krass..e dene ondernaehme maches so fuerige ond de chasch natuerli no wii degostiere.. de beschti teil vode fuehrig..;)
esch woerkli sehr interessant gsii mol zgseh we de wii so gmacht wert..
ond cheibe fein esches ou gsii..mhhhhh..proooost...

am sonntig semmer no goge rite. swaetter het leider doo grad ned eso metgspellt aber es esch sehr schoen gsiii...
uf dem hof womer gsii send hets ca 50 ross gha..en troum foers stibeli..si hets zersch gar ned choenne gloube esoo vell ross uf eim huufe..wow..
wo de dross "gsattlet" gsii send semmer losgrette, de kevi hets scho sehr guet em greff gha..mer send dor di landschafte grette ond hend cheibe de plousch gha..
ede stibe eres pferdli het ned eso weue loufe de cheib hets gloub agschesse am sonntig ond be dem waetter goge schiegge..;)
noch guet zwoiehaub stond semmer weder bem hof achoo, sfoedi het scho chli weh doo gaeu kev?
hihihihihihihii...
mer hend de no det gaesse ond sesch woerkli weder hammer guets fleisch gsii..wow..sbeschte womer scho je gha hend..ganz guet gsii..
nochem aesse hemmer de nochli dross choenne goge aluege ond de het de bsetzer vom hof ploetzli gseit mer selle schnell metchoo..
de semmer ganz hendere e di letschti box ond det hets es fohle gha..so schnusig..ercsh oeppe 3 woche aut..
jo stibeli het scho chli heiweh oebercho nach erne schaetzis zgontenschwil...glii chasi weder met ehne goge riite uf da freut si sech ongloublech..

jo eusi reis esch leider scho sehr glii zaend..es esch so schnaell gange aber mer hend jede tag sehr gnosse ond naehnd ou sehr vell met vo dere reis..

mer freue eus natuerli ou mega uf dschwiiz ond uf eusi froende, familie, bekannte..usw..

mer woensche euch no e schoeni woche..
bis ganz glii..

kuss
stibi ond kev

no es paar foeteli vo bariloche ond vom canopy em wald..

di wonderschoeni landschaft vo bariloche...

mer zwoei am soennele...
metem baehnli semmer ufe baerg ue... eifach zom treume...
haut scho weder mer zwee..;)
*treuuuuum* eifach wonder wonder schoen... canopy em wald..so tarzan ond jane maessig...;) esch mega cool gsii so vo boum zo boum abezuuse..

es paar taeg in bariloche, its like switzerland

hola chicos
como va?
mer send nachere 17 stoendige busfahrt vo de wale in bariloche acho..
ond do esches eifach de hammer.. andersch geil..
aber jetzt schoen de reihe no..
mer send weder mol ohni plan am busbahnhof acho in bariloche. guet womer de s gepaeck gholt haend, send scho die erschte choge ehres hostel apriese.. mer haend mol alli informatione ufgnoh.. ond de be einere gseit mer choeime i das hostel..
esch es belligs gsi ond s taxi hend si ou no grad
zahlt ond z morge ond z nachtesse esch enbegreffe im pries ond de wen mer 3 naecht bliibe esch die vierti no gratis.. ok.. haemmer daenkt ond send emol goge luege oeb de das ou alles stemmt..
ond siehe da.. de am empfang het s gliche verzellt. jupii ond de send zemmer ersch no schoen ond suuber.. tipp topp.
guet de haemmer mol alli aktivitaete wo si abiete dore gluegt ond oeis entschede, das mer goehnd goge canopy mache ond goge rafte..
auso semmer am zieschtig am morge goge canopy mache.. was esch das? waerde sech secher einigi froge.. schnaell verzellt du duesisch vo boum zo boum.. amene gstaelltli faetzisch em seil entlang zom noechschte boum.. esch auso arsch geil gsi.. so en rechtige adrenalin kick.. die laengschti distanz esch 200 meter gsi..ond d fahrt het so ca 8 sekonde duret..
leider choene mer kei foeteli inedueh.. mer haned weder mol es super internet cafi gfonde wo de usb be allne compis ned fonktioniert..sorry
am nomitag semmer chli am see ghaenget ond chli am kaeffele gsii.. es esch do wie em belderbuech, schoeni blauii see ond schneebedeckti baerge em hentergrond eifach wonderschoen.. aber ebe waege de belder hani jo scho erklaert..
am mettwoch haemmer zerscht woelle goge skifahre.. doch die wo met eus em zemmer gsi send haend gseit es lohni sech ned woerkli.. es esch do end of saison ond de schnee esch nass ond schwaer ond es seige nor no 3 piste offe.. ond skibillet esch ebe ou no zemli tuer ..
so semmer am mettwoch met em bus ergend wohe gfahre.. es esch emu am see gsi ond 25 kilometer vo oeisem dorf entfernt.. mer send de chli am see no glofe ond haend eifach s wonderschoene waetter gnosse, es esch so en rechtige fruehligstag gsi.. so wie be oeis ame..
mer send de 8 kilometer glofe ond de haemer pick nicket ond send no metemene 2-er sesselilift ufene baerg jo ehner hoegu ufe.. esch sone langsame gsi wie em hasliberg vom bidmi ed kaeserstatt ue.. vo det obe het mer en wonderschoene usbleck gah uf velli see ond baerge.. wonderschoen..det haemer de es bierli zwitscheret ond chli gsoennelet ond eifach de tag gnosse..
am obe haemer weder em hostel gaesse ond det aesse alli wo det schlofe ond so haemer weder vell luet kenneglehrt ond das esch ame no spannend..
ond de esch aentli donnschtig worde ond oeise rafting tag het agfange, natuerli wie so oft met ere halbstond verspoetig..
of jede fall semmer de a dem floss acho ond es esch de erschti taeg gsi wo si weder rafting abote haend.. jujuju
nach em omzieh ond vellne instruktione semmer de aentli ufe floss.. jepa..
am afang escher noni so schnaell gsi ond de haemmer alli komandos chli guebt ond teschtet.. ond zwoesche dore ou nochli d landschaft gnosse..
ond de esch de scho gli die erschti stromschnaelle (rapido) cho..


de guide het voraene nomol die letschte awiesige geh ond gseit es choeni emmer passiere das s boot kippi.." jojo" haemmer alli daenkt aber ned oeises.. ond de haemer vol padlet was das zeugs haelt.. de semmer aber ergendwie schraeg uf d waelle zuecho.. shit.. de esch alles so schnaell gange, de esch de kevi ergendwie oeber d stibe igfloge ond s ganze boot hets kehrt.. scheisse.. d stibe ond de kevi send am afang no onderem boot uecho... weder abetouchet ond de semmer aentli em freie gsii.. aber emmer no em riessende wasser.. ond das wasser esch arschzapfechaut gsii.. brrrrr... womer de aentli weder loft gha haend ond chli d oebersecht..semmer auso mega froh gsii.. de guide het de mol s boot kehrt ond de die erscht uezoge.. de kevi esch emu de 2ti gsi ufe boot ond het de emmer es oug ufd stibe gha.. aber die esch eifach wiiter s loch abe duesset .. doch mer haned no sone saivtycar be oeis gha, de esch em kanu gsi ond het oeis die ganzi tour begleitet.. ond de ergendeinisch het er de mol d stibe ufgfange ond weder is boot zrogg brocht..aber noni e oeises sondern es andere... mer send drom met 2 boot onderwaegs gsi..
doch ende gut alles gut esch de ou d stibe weder e oeisem boot gsii.. jupiii..
de semmer zerscht mol alli chli gschocket ond froh gsi weder em boot z hocke.. es esch de wieter gange, es send em ganze 10 so rapidos gsi.. ond oeis hets bem erschte scho oeberstellt.. oje
aber das het oeises team zaemegschweisset. ond die andere rapidos haemmer alli oeberlaebt ohni usezgheihe.. ond so semmer zom abschloss nomol alli es wasser gompet.. schlaechti idee gsi, woell s wasser esch noni waermer worde.. aber es esch absolut geil gsi... so semmer de grad a de grenze zu chile usem floss gstege.. de semer zrog is camp gfahre ond haend es hammer geils barbeque oebercho..
es esch eifach en arsch geile tag gsi..
womer de weder en bariloche acho send ond em hotel gsi send semmer todmued gsi..
uf jede fall haemmer die nacht guet gschlofe..
jetzt gohts hoet wieter uf mendoza, send weder 17 stond met em bus.. juhui..
aber det gehts so super wii, of das freue mer oeis..
hasta luego amigos..
kev ond stibe

en wonderschoene ond onvergaessleche tag bide wale...

Hallo zaeme..

zersch emou es riese merci foer di vele gloeckwoensch zom geburi..ha riese freud gha a euchne mail, facebook itraeg, blog itraeg, telefon ond sms. merci tusig mou.

nach guet 17 stonde busfahre semmer jz scho zpatagonie onde achoo. am busbahnhof haemmer de euses hostel buechet ond grad no en tour zode wale. uf da het jo s'stibeli scho lang lang gwartet ond de esches ploetzli sowiit gsii. am samschtig haemmer choenne ufene tagesusflog. d'stibe het de am morge am vieri gmeint mer hege verschlofe..;) smile..ond nochaene esch si eifach au stond go luege wa foer ziit das esch. am viertu ab sebni am morge esch eus de es mini buessli choge abhole. nachdem mer alli andere luet bi erne hotel abgholt hend hets aentli choenne losgoh. guet en stond vo puerto madryn entfaernt esch de nationalpark peninsula valdes. leider esch am morge de hafe no gschlosse gsii ond mer hend stagesprogramm muesse aendere. eigentlech waere mer grad am morge ufs boot foers wale watching aber es het no zfescht gwendet ond so semmer zersch zode pinguine, seeloeie ond see-elefante. di cheibe send mega deck gsii..hihi..mer haend natuerli emmer chli angscht gha dass de hafe doch ned ufgoht ond mer ned zode wale choene. da waer jo de waeutondergang gsii..aber nochem zmettag womer de aui pingus usw betrachtet hend haemmer eus ufe waeg gmacht zom hafe. da esch ou weder ca ei stond gange metem outo. de park esch naemli no gross. e dem "dorf" acho wo di wale-watching toure starte, (das "dorf" het genau oeppe drue strosse, aber es esch eifach voller toureschte) haemmer de no en haub stond muesse warte bis mer hend choenne ufs boot. da esch gloub di laengschti haub stond gsii womer scho je gwartet hend. :)

Denn aentlech haemmer choenne ufs boot. laeck di luet uf dem boot. waend die woerkli aui zode wale? es send ca 60 luet uf dem boot gsii. mer hend zerscht choenne druf ond somet haemmer eus en guete platz ade front choenne ergattere. wow. so ufgregt semmer gloub scho lang noemmer gsii. chum semmer abgfahre hemmer vo wiitem scho de erschti gseh usem wasser puschte. mer send de metem boot chli noecher goge guegsle ond de haemmer gwartet. ploetzli escher denn usem wasser cho. wow. di send meeega gross. so ca 25 meter. eifach riesig ond ou breit. nachem erschte "schock" hemmers de eifach gnosse. dwale choeme mega noech as boot, si send so neugierig. maengisch send si sogar onderem boot dore ond weder uecho uf desere siite. mer chas woerkli fasch ned gloube wenn mer da gseht. es esch wonderschoen das tier zbeobachte. leider hemmer ke orca gseh, di choeme ebe ersch spoeter aber di andere send ou cool. si hend em momaent babys. aber di babys send ou so riesig ond dorom haend mer ame ned gwoesst oeb mer jz es baby gseh hend oder ned. ;) es esch es riesigs erlaebnis ond mer muess sech maengisch fasch chli sougewasser verdroecke.

mer send guet einehaub stond ufem boot gsii, aber eus esche svorcho we wen mer nor dhelfti so lang ufem meer gsii send. es esch leider so schnaell verbii. aber mer send nochaene ou zemli erschoepft gsii ond mued. bem zroggfahre hemmer grad no en groppe gseh wo mega omeplantschet hend. es send drue wale gsii. si hend sech em wasser omegwaelz ond gsproetzt ond send di ganz ziit om euses boot gschwomme. mer hend afe noemme gwoesst wo luege. da esch en sehr en schoene abschloss gsii.

de

ganzi tag esch vell zschnaell verbii aber mer hends esoo gnosse ond send am obe oebergloeckli gsii. mer hends am afang gar noni rechtig realisiert dass mer wale e freiheit hend doeffe beobachte..esch no es komisches gfuehl..

zom kroenende abschloss vo dem tag semmer no fein goge aesse. mhhh..lomo hemmer gha..da esch mega guets fleisch ond mer send scho baud soechtig..da esch so cheibe guet..;)
s'aesse do en argentinie esch sowiso grandios. mer choent sech glatt e da land verliebe.
es gfallt eus do mega dluet send ou mega naett, dnatur esch eifach de hammer ond dhostel suuber.

mer hend bis jetzt uf eusere reis nome gueti erfahrige gmacht. ossert dass si ede stibe zbuenos aires ide u-bahn s'portemonaie gstohle hend metem bankchaertli ond auem gaeud denne. aber jae no. mer hend scho ganz anderi gschechtli ghoert vo anderne reisende, de esch da grad no harmlos.

jetzt goht eusi reis nome no 17 taeg ond de semmer scho weder deheime. laeck bobi da esch de schnaeu gange. e dene 17 taeg haemmer aber no vell vor. ;)
hoet zobe fahre mer uf bariloche. da send ou weder ca 17 stond vo do entfaernt. det waemer eventuell no goge river rafte ond det hets no so schoeni see womer waend goge aluege. nochaene goemmer no uf mendoza, da esch weder chli em norde obe. det haemmer eigentli no welle goge skiifahre aber es het leider scho noemme so vell schnee. naja. aber det gets feini schoggi ond vorallem feine wii. det chamer so wii-toure mache. ;) da esch secher oeppis foer eus. hehe. jo ond de goemmer velech no goge riite dete. sell no schoen sii. de kev het zwar chli schess dasem nochaene aues weh duet..;) mol luege. jo ond vo dete goemmer de weder uf buenos aires zrogg. det waemmer de no ane tschuttimatch ond gogene tango-show luege. ond denn esch wahrschindli eusi reis oeppe zaend. schniiifff..
aso es esch ned eso dass mer eus ned woerde freue foer hei, mer freue eus scho ou afe riesig foer hei, aber so reise esch haut scho ou mega cool. vorauem jetzt womer eus scho chli a aues gwoehnt hend ond womer woesste we aues funktioniert..

mer gniesse jetzt eusi reis no e volle zoeg ond freue eus uf euch..geili schwiiz..

bis gli gli

stibii ond kevi usem schoene argentinie!

Buenos Aires

nachere lange busfahrt semmer de am morge am 7 ni z buenos aires acho.. d busfahrt esch aber ned eso schlemm gsi, send ou nor 17 stond gsi ond wie der gsaehnd haemmer en rechtige luxuscar gha. det chasch auso rechtig de setz zomene bett mache.. andersch geil, guet choschtet ou chli oeppis... aber defoer hets am obe em car no en feine wiskhy geh (hanu grad a rolf daenkt, das haeti der secher ou passt) de zom aesse hets es glas rote geh ond de vorem schlofe no es glaesli champagner.. edel...so macht s bus fahre spass...

de geili waebi het oeis de am morge am 7.15 uf dem busbahnhof empfange ond de semmer de zo ehne id wohnig gfahre.. det haemer echli ploeiderlet ond chli mate tronke.. das esch sones speziells getraenk do..

jo ond de haemer i de letschte taeg nochli d stadt agluegt.. die stadt esch riesig.. het sovel iwohner wie die ganzi schwiiz..andersch als aarau oder zueri...

en citytour haemmer ou no einisch gmacht ond det semmer no es geil tschuttistadion goge aluege vo de boca juniors.. das esch do so zemli die beschti mannschaft.. so wie gc fruehner i de schwiiz..:-)

jo ond geschter haemer natuerli d stibe nochli gfiiret.. send fein goge aesse ond haend en feine rote tronke.. mhhh.. de het sech de no usegstellt, das mer em restaurant vom franco costanzo gaesse haend... er esch de gschaeftsinhaber... das esch jo weder andersch en zuefall gsi.. ond es esch mega fein gsi..

es het de sogar no es feins dessert foer d stibe geh ond foer alli 4 es glas champagner.. edel.. danke franco..

hoet fahre mer de no ab zo de wale... aentli... d stibe mag chum me druf gwarte.. det fahre mer de ou weder so 17 stond bus.. aber damou noemme met somene luxusbus.. aber emmer no metemene sehr guet..

auso wett do mol no e de virginia ond em waebi danke foer die super gaschtfroendschaft.. muchas gracias.. ond mer choeme de i 2 woche weder.. ond de loehmer de a oeisem letschte w-end nomol so rechtig d sou use...

hasta luego

stibe & kev

FELIZ CUPLEANOS STIBI!!!

20!20!20!20!20!20!20!20!20!20!20!20!20!20!20!20!20!20!20!20!20!20!20!20!20!20!20!20!

i wett a dere stell minere absolute troumfrou ganz haerzlech zom geburtstag gratuliere. es esch jo ned ergend ei geburtstag, nei es esch de 20gischt.. geili stibe... ond de doeffsch du ned emol deheime fiire hoet.. aber mer waerde do en buenos aieres ou echli fiire.. ond der no ganz en schoen tag mache.. ond wer cha scho saege er heigi de 20gischt geburi enere waeltstadt wie buenos aieres choene fiire??
ond i weiss natuerli ou dasst dini familie, dini kollege scho afigs raecht fescht vermessisch... aber mer haend defoer en mega schoeni reis doeffe erlaebe bes jetzt ond e 3 woche besch jo de ou weder diheime.. ond de fiire mer de grad nomol..
auso stibi schatz i woensche der no ganz en schoene tag ond hoffe i cha der no di einti oder anderi oeberraschig biete..
ond vergess nie dasi die oeber alles liebe ond mega stolz uf oeisi beziehig be..du besch eifach en hammer frou ond die alleri beschti wos geht..
en ewiger Liebi
din kev

Folkloreobe in salta met guetem wii ond iheimischem aesse ond di wondervolle wasserfaell Iguazu...

Halli hallo zaeme

"jaaaaaaa sie leben noch...." hihi. mer hend di ellelangi busfahrt vo salta uf iguazu oeberlaebt. aber zerscht no vo eusem geile Folklore-obe.

Da esch mega cool gsii. mer hend emene schoene Restaurant en tesch reserviert ond send mega gspanne gsii well de waebi eus gseit het mer muesse da onbedengt mache. poenktlech am haubi zaehni semmer de e das restaurant inegwatzlet ond hend a eusem tesch platz gno. natuerli hemmer de tesch zvorerscht verwoetscht. wenn da nome guet chont, het de kev de gmeint. hihi. jo mer hend de mol di sache bstellt wo de waebi eus gseit het muesse mer probiere ond send woerklech positiv oeberrascht gsii. es esch eifach supper gsii. ond en guete iheimische wii hemmer ou no dezue tronke. mhhh. mer hend empanadas,humitas ond tamal gaesse. da send iheimischi spezialitaete. eifach suuuper. mer choene euch ned genau saege was alles denne gsii esch, emu fleisch, ond e eim hets no mais usw gha. momol. ;) ( ned froge...aesse!!!)

De het de obe gstartet. das tanzpaar het eus en super show abgleferet ond mer hend di beschte ussechte gha. wo de de saenger s'ganze restaurant gfrogt het wohaer das di einzelne persone choeme haemmer natuerli euse saenf ou no dezue geh ond womer gseit hend das mer vo de Suiza choeme hend alli luet "ahh" ond "ohh" gseit. esch no wetzig, do esch dschwiiz oepis mega bsondrigs ond alli kenne eusi schoeni schwiiz. sooo schoen...jo ond de het er vorgschlage das dschwiizer no choente en tanz ablefere. super ideee. de kevi esch als erschts draa cho. hihi. mer hend natuerli weder ke ahnig gha vo ergendoeppis ond hend eifach oeppis gmacht. sganze restaurant het en riiiese freud gha a eus ond alli hend klatschet. piindlech..hihi...ond de esch natuerli no s'stibeli dra cho ond es het sech alles oeppe glich abgspellt we bem kev. aber es esch mega schoen gsii. danke waebi foer de super tip!

Am noechschte tag haemmer eusi langi busfahrt en agreff gno. mer hend scho chli bedaenke gha, dass mer e dene 23 stond em car zspenne choeme aber es esch alles haub so schlemm gsii-waere ned hender ond naebe eus no je 2 chliini chend ghocket wo di ganz ziit a eusne setz ome groetlet hend...*grrrr*

zom gloeck hend de die ou einisch gschlofe, bes am morge am haubi vieri ond de haends natuerli honger gha wells nuet gaesse hend wos znacht geh het. naja mer hends de muesse so neh wes esch ond sbeschte druus mache.

am zwoei zmettag semmer de en puerto iguazu achoo. am busbahnhof hemmer de grad weder muesse luege waege emene billet nach buenos aires. mer hend eus dasmou chli en bessere car gleischtet wod de setz fasch chasch zomene bett mache. herrlech. die fahrt duret weder rond 17 stond ond de semmer aentli bim waebi. phuuuu..vo det us goemmer de nochli wiiter e suede ond e weschte vo argentinie.

zpuerto iguazu am busbahnhof haend weder luet gwartet vode hostels. mer hend eus de foer s'hostel inn entschede. det hets sogar no en pool. ond es eignigs bad hemmer ou em zemmer. mer hends weder mol bruucht dases chli suber esch ond dass mer chli privatsphaere gha hend. sletschte hotel in salta esch scho fasch chli a eusere eckelgraenze verbii..

jo ond det haemmer de grad no en tour buechet foer adi wasserfaell. es esch am morge am achti losgange rechtig wasserfaell meteme buesli. es send no vell anderi vom hotel metcho ond so haemmer eus de a zwoei spanier agschlosse. ond de semmer ploetzli a dene riesegrosse wasserfaell gstande. wow. eifach es wonderschoens naturspektakel. mer cha sech da fasch ned vorstelle, di send so oeberwaeltigend. mer het de choene mega noech a di wasserfaell aene ond mer het enand fasch ned verstande wells eso gruschet het. eifach fantastisch. nass semmer natuerli ame ou echli worde.

e dere tour esch no en bootsfahrt debii gsii. met dem semer ou mega noech ad faell aene ond det semmer de rechtig nass worde. aber es esch mega loschtig gsii. voll cool.

de semer no meteme zog gfahre wo eus ane andere ussechtsponkt brocht het. det het mer di brasilianischi siite ganz guet gseh. dgraenze vo dene zwoei laender goht genau ede metti vom floss dore. esch no interessant.

Noch dem tag semmer zemlech mued gsii ond haend em hotel no s billiard gspellt ond send de goge schlofe well am noechschte morge haemmer scho weder en tour ufem programm gha. dasmol uf di brasilianischi siite vode wasserfaell. es esch ganz andersch als uf de argentinische siite. mer esch ned so noech ade faell saelber sondern gseht eifach genial dranaehne. wenes panoramabeld vo de ganze wasserfaell. esch ou no speziell gsii.

am nomitag womer weder zrog em hotel gsii send semmer chli a pool ghaenget ond hend relaxet. bi fasch 30 grad ond gueter musig, oeppe es bierli, wa wotsch no meh?

morn gots de am nomittag am 2 wiiter uf buenos aires. det semmer am sonntig am morge am sebni..( sorry waebi..;))

mer hoffe das mer det e dere geile stadt chli snachtlaebe choene go gnnuesse ond ede stibe ere geburtstag dete fiire. nochaene wette mer uf pesuales valdes goge d'wale sueche..(gaeu senti...*smile*)

auso mer woensche euch es ganz es schoens wocheaend

was ou emmer der mache, theater, motocross etc..gaehnd aues ond trenket oeppe eis foer eus.

mer gseht sech e drue woche..

hast pronto

kuss

stibi ond kevi