3 taeg trekking i de anden oeber de punta union

de planti trekking haemmer de chorzfreschtig no gstreche.. de grond esch gsi, de chef vom hostel het oeis gseit, dass das kei guete abieter seig. die duend aui 2 moenet de name waechesle ond zo dem pries seig secher kei offizielle guide debii ond zwenig z aesse.. ond do mer eh schochli es schlaechts buchgfuehl gha haend, semmer de ned gange. d stibe esch jo en super schouschpeleri ond het de eine uf chrank gspellt, wo de oeis em hotel het woelle choge abhole..

guet s geld esch de halt waeg gsi...

mer haend de em hotel buechet ond so semmer de en tag spoeter gstartet als planet. die ganzi tour haemmer also e 3 taeg muesse mache, anstatt e vier!

mer send de am morge am 6i gstartet met de edit oeisem guide. nach 4 stond buessli fahre semmer de am start vo oeisere wanderig acho.. det haens si oeises gepack uf d esle glade ond mer send abgloffe. nach 4 stond wandere semmer a oeisem erschte camp uf 3850 m acho. mer send scho todkapot gsi ond send echli es zaelt goge pfuse..

de hets no es feins kokateeli geh ond froesch gmachti popcorn.. mhhh.

de haemer choene zueluege wie d edit kochet het, alles froesch zuebereitet.. esch de hammer gsi..

am noechschte morge semmer am 6.00 gweckt worde, weder metemene teeli.. s het rechtig guet do nach sonere chalte nacht..

nachem z morge semmer de abgloffe rechtig punta union, das esch de pass womer droeber haend woelle.

nach guet 3 stond wandere haemer die 1000 hoehenmeter de scho hender oeis gha, ond send uf dem pass obe gsi uf

4750 meter oeber em meer. es hammer gfuehl ond en usbleck eifach fantastisch. die velle baerge met gletscher ond schnee uf de spetze send eifach wonderschoen. nach guet ere stond uf dem pass semmer de weder abgstege ond das emene taempo, wow, ned spatziere sondern das esch walking de baerg ab gsi.. mer send auso mega froh gsi womer oeises 2 te camp uf 4175 meter erreicht haend ond das nach 8 stond wandere..

mer send andersch kapott gsi, leistigssport i dere hoechi, das goht ad substanz.

d stibe het de d hoechi ond die ganzi astraengig ned eso moege verliede, ond no pizzaiolo gspellt..

ond das ned nor einisch..

nachere wietere nacht em zaelt, haemer oeis am morge scho weder ufe waeg gmacht ufd d schloss etappe. es send nomol 1300 hoehenmeter ufem programm gstande,eifach de baerg ab. wer jetzt daenkt das seigi eifacher de duescht sech gewaltig. das esch de nomol id chnoche, oje oje.

aber mer haends gschafft. eifach es geils gfuehl.

am obe semmer de no metemene super car uf lima gfahre. das het die ganzi nacht duret. aber mer send so mued gsi vo oeisere wanderig das mer super pfuset haend.

z lima haemer oeis en bontze tag gleischtet. zerscht semmer goge en flog bueche foer uf cusco. das heisst 1 stond fluege, statt 20 stonde busfahre..

guet de semmer goge d draeckwoesch id waescherei brenge ond de en supermaert goge z aesse choufe.. feine schenke, chaes, essiggorke , parisette, banane ond joghurt esch ned ganz bellig gsi, aber das het guet do. mhhh

nach dem semmer is shoppingzenter chli goge laedele. det haemer oeis trainerhose kouft, noeii liebli, pulis ond was oeis soescht no grad eso id haend gfalle esch, de hets uf alles no 30% geh, niemer weis werom, aber die haend e schiess freud gha a oeis. ond mer am pries. de semmer grad no am coiffeur verbii gloffe ond de kevi esch no grad goge hoor schniede. de bart het de frieseur ou no grad abghoue.. ( @ meli: gsehne auso weder gepflegter us. ou d stibe het weder freud a mer..:-) gloeck gha)

de semmer nochli em starbucks ghocket ond haend kaeffelet..

jo ond de esch scho de hoetigi tag cho, mer hand gedege z moergelet ond send de uf cusco gfloge. do hocke mer jetzt am compi ond schriebe oeich. mer daenke grad a oeich, woel hoet esch jo no de duethlon ond d rockparty. mer woerde gaern met oeich echli feschte hoet..

mer hoffe es het aues klappet ond der haend luet gha..

leider hani scho erfahre dass de fcg (1. mannschaft) verlore het. schade, schade.. aber kopf hoch jungs ond kaempfet wieter de chont de erfolg scho..

jetzt goehmer goge aesse ond goenne oeis secher es haubeli rote..

hasta luego

Nach 30 stond busfahre semmer a eusem ziel en peru acho..

Nachdem mer zloja zobe abgfahre send rechtig peru semmer am morge am haubi vieri ade graenze gsi. det haemmer muesse warte bes de graenzwaechter ufgstande esch ond eus de usreisestaempfu gmacht het. 50 meter wiiter vore esch di peruanisch graenze gsii womer nomou en staempfu e euse pass becho hend. de maa het sogar echli duetsch gret. da esch no loschtig gsii..sganze het ca 1 stond duret ond de semmer weder wiitergfahre rechtig piura.

zpiura semmer denn am achti am morge meteme andere bus uf chiclayo wiitergfahre 2 stond. zchiclayo semmer denn nochli ede stadt omegloffe. det semmer a "haexe-maert" det haends ganz vell verschedeni chruetli ond metteli foer jedes wehwehli...weu de kevi scho laenger en warze am duume het haemmer daenkt mer choente jo mol go froge. er het eus de tatsaechli es metteli geh, es gseht scho echli grusig us ond es schmoekt ou eso.

oebs noetzt schriebe mer den no..;) mer hoffes...

vo chiclayo us semmer de rechtig trujillo gfahre. da het nomol ca 3 stond duuret. mer haend uf dere fahrt en mega schoene ond bequeme car gha. esch rechtig schoen gsii..:)

mer haend ou d'ande scho chli choenne gseh usem faenschter.

Z'trujillo haemmer denn ei nacht verbrocht bevors am noechschte morge wiitergange esch uf chimbote. det acho haemmer ou scho weder es bilet muesse go loese foer uf huaraz. es het nome no ei gsellschaft geh wo am zwoelfi am mettag gfahre esch. di andere fahre soesch aui dor d'nacht.

de bus esch de absolut d herti gsi, esch de schlemmschti gsi womer bes jetzt gha haend..

es het eifach aues klapperet ond klepperet.. ond de setz esch kapott gsi ond d chend hender oeis haend de ganzi waeg kotzet.. wonderbar..

nach 2 stond uf asphalierte strosse semmer de dors canon de pato gebiet gfahre.. das esch voll dor d'ande dore ond d stross het nor ches und sand gha ond velli loecher.. ond de no tunels wo de chauffeur emmer zerscht het muesse huppe, woell er jo ned doregseh het ond s nor eispurig gsi esch.. auso voll de naervekitzel..

d strosse haend so usgseh wie obe uf de fotine..

doch die schoeni baerge ond floess haend aues halb so schlemm gmacht.. d ussecht esch eifach de hammer gsi...

d rocksaeck haend die erschti fahrt ufem dach verbrocht ond haend naechaene ou derno usgseh..

ond ca 1 stond vorem ziel haemmer de no rasch muesse s rad loese ond oepis rechte, kei ahnig was... mer send emu heil acho. es het oeis zwar alles weh do ond send todkapott gsi.. aber en warmi duschi ond es bequems bett haend oeis emene sehr familiaere hostel erwartet..

hoet haemmer oeis echli erholt ond morn am morge am saechsi gohts ufene 4 taegegi trekking tour met esel ond zaelt.. wenn das nor guet chont..

liebe gruess id schwiiz

stibe + kev

Onderwaegs nach peru

Hallo zaeme
geschter haemmer dstadt cuenca besechtiget. leider hets denn voll afo raegne ond es esch chalt worde. vell haemmer ned gseh, aber es cools hostel-zemmer hemmer gha. es esch emene aute huus gsi met vell holz, es het kei faenschter gha, nome houzlaede. Em zemmer send zwoi klappbett gstande, ond dmatraze esch ou scho raecht brucht gsii..ond ebe chaut, defoer ou superbellig..eis bett het 3.50 koschtet pro nacht.
am morge semmer wiiter rechtig suede gfahre, naemli uf loja. det semmer jetzt und warte bises 11 am obe esch, denn goemmer uf peru meteme nachtbus. mou luege oeb de da ou klappet, ond oebs eus oeberhoupt oeber dgraenze loend.:)
hoet haemmer no usgraechnet weveu bus dasmer scho gfahre send e dem monet. es send sage und schreibe 46 stond. ond bes zo eusem noechschte ziel en peru sends nomol ca 24 stond. :)

@ daeru ond nudle: geilo du, eus faehle die partys met euch aso ou. aber mer gloube di noechschte choeme jo scho glii...( stibe-fescht, tornerobe,...etc..)
de mr. wilson haemmer noni baschtlet, aber velech chont de da no.. mer weiss nie was no so chont..:)
sbusfahre esch scho emmer astraengend, ond someloufe e dene verschedene staedt ou ame chli aber defoer wert mer ame weder belohnt met ere super schoene ussecht, schoene landschafte und vellne andere schoene sache. es esch eifach mega schoen und idroecklech do.
mer woensche euch vierne ganz schoeni ferie en aegypte ond goend onbedengt go schnorchle, da esch naemli oeppis mega schoens. gnuessets ond haends ganz guet zaeme.
bevors aber los goht ed ferie muend am samschtig gaege schoeftle no 3 poenkt aene. :)

@senti: es freut eus dass du weder guet gstartet hesch em chendzgi. di chend fouge der secher scho mega guet. i hoffe hesch sgschaenkli hoet foere tornverein ned vergaesse...;)
wa moeche der so? uebe der scho foere tornerobe z'zetzbu? we loufts met de vorbereitige foere duathlon ond foerd tornfahrt?

@ meli: Hesch scho raecht, de kevi gseht afi us wene hoehlibewohner.. smile... aber do onde leit mer sowiso ned so waert uf koerperpfleg (emu di meischte ned), de send mer grad no heilig..;) di cheibe stenke ame scho chlii...freut eus, dass de ronny scho zom obertorner ufgstege esch. gueti sach.;)

@ sandi, roli, joana: cool dass joana scho derewaeg aktiv esch ond vo tag zo tag neus entdeckt. cha si scho loufe? mer freue eus dases euch aune guet goht.

@ bene, rolf, lisi ond peti: mer haend freud dass der emmer so fliessig driischriebe ond a eus daenke. mer daneke ou emmer a euch.

@ fc gontenschwil: mer woensche euch en super guete saisonstart am samschtig, gaehnd aues!

sodeli, mer goend jetzt nochli uf entdeckigs tour..
bis glii ond haends guet..

stibi ond kev

weder in guayaquil acho

hola chicas y chicos

que tal?

mer send no 3 taeg uf dem scheff gsi, ond haend wieteri 3 ensle bsuecht. es esch en super trip gsi uf die galapagos insle. so noech be dene tier zsi esch eifach de wahnsenn.

de semmer geschter weder zrogg gfloge uf guayaquil. jetzt semmer weder ufem feschtland ond send ganz froh das noemme alles so gwagglet ond schouklet.

geschter obe semmer no ganz fein goge aesse, so rechtig feini spaghetti... mhhhh ned ganz so guet wie grosi-spaghetti aber es esch fein gsi..

de semmer is hotel ond de het de chrampf agfange...

mer hend denet de stibe ehri wonderschoene ond afig usegwachsne zoepfli probiert ufztue.. nach ere halbstond ond zahlriche hoor weniger send dennet die cheibe ou weder offe gsii.... ond wie der gsaehnd esches ned ganz schmerzfrei gsi foer d stibe.. aber mer hets spass gmacht hihih...

jo ond de esch oeises stibi weder es rechtig haerzigs haexxli gsi....

jetzt semmer ebe en guayaquil ond muend jetzt oeisi woesch goge abhole.. de luege mer nochli die stadt ahh ond morn gohts de wieter nach cuenca...

hasta pronto

Last Minute Trip ufd Galapagos insle....

Huhu zaeme

merci vell mol foer euchi liebe Kommentaer..eus choeme ame fasch echli heiweh-traendli...mer freue eus emmer riesig euchi kommentaer zlaese..

Am maentig am morge semmer en Guayaquil es reisebuero. Mer hend welle en tour go bueche ufd Galapagos Ensle. Mer hend daenkt, mer muesse secher en Woche oder so Warte bes mer choenne goh well jetzt em momaent grad hochsaison esch. De maa vom reisebuero het de gseit mer choente grad jetzt goh..De flog seg e einehaub stond. Nach ned langem oeberlegge haemmer eus denn defoer entschede. Super last minute Agebot: 8 Taeg Galapagos ufeme first class Scheff. Super!

De esch de stress losgange. mer hend muesse ufd bank ond is Hotel goge euses zueg packe. die vom reisebuero hend eus emmer begleitet. eso schnaeu packt hemmer gloub no nie.:) De semmer ufe floghafe und de vom reisebuero het emmer telefoniert oeb de flogi verspoetig het usw..er het gseit er moechi alles moeglichi aber er choen eus nuet verspraeche. Am floghafe acho haemmer nach 10 minute warte es handgschrebnigs flogbillet oebercho ond hend dord kontrolle choenne. Met gsamtem gepaeck. mer hend muesse warte bes alli igschtege send. es het no zwe plaetz frei gha, eine zvorderscht vore ond eine zhenderscht hende vom flogi..of jede fau het aues klappet, nome hemmer kes roeckflogbillet ede haende gha..hmm..ond mer hends ou bes jetzt noni..aber es wert de scho ergendwie klappe metem zroggfluege.

Uf de Galapagos Insle acho het eus zom gloeck euse Guide abgholt foer ufs scheff. Det am Hafe haemmer scho doeffe die erschte seeloeie gseh. so suess...

Ufem scheff acho hets scho zmettag geh. saesse esch woerkli de hammer. Nochdem mer eusi Kabine bezoge hend und euses gepack verstuot, semmer scho ufe erschti usflog.

Mer send mete Motorboetli weder a land und ane strand goge seeloeie aluege.

Am obe hets de no en Begrueessigs-Coktail geh ond mer hend di ganzi crew kenneglehrt. Mer send 15 Gaescht ond 8 crew metgleder an bord.

Dord nacht semmer ufd insle Espagnola gfahre. Es het scho chli gschwanket, esch no es komisches gfuehl wenn mer em bett liit..mer hend de gliich einisch euse schlof gfonde..

Am dienstag womer zmorge gaesse hend semmer ane strand wos mega vell seeloeie gha het. di send eifach dete glaege ond hends sech oeberhoupt ned lo stoere vo dene vell toureschte. Mer send de dete nochli goge schnorchle ond de kev het sogar no en hai gse onderem stei legge. d'seeloeie send mega verspellt, si send emmer om eim omegschwomme. loschtig gsii...

Oebere mettag semmer den wiitergfahre uf di ander siite vode ensle. Uf dere fahrt hemmer vo wiitem sogar no en wal gseh.. wow!!

Am nomitag hemmer de vell iguanas gseh ond verschedeni Voegu ufere schoene wanderig.

Dord nacht semmer weder wiitergfahre ufd ensle Floreana. Det haemmer en alti poschtstell bsuechet. emene faechli hets ganz vell poschtcharte vo luet wo dete gsii send, mer bruucht ke marke. dluet wo det aene choeme, luege poschtcharte dore, ond de chamer die metneh wo foer is heimatland send, ond die de persoenlech oeberbrenge. Da esch en alti tradition vo dere ensle, dseemaenner hend eso nochrechte ede froue oeberbrocht fruehner.

Mol luege oeb eusi charte de ou einisch choeme.

Mer hend nochaene no en lava-hoelli bsuechet. det esches stockfeischter gsii drenenne.

Am nomittag semmer weder goge schnorchle. Det hemmer velli verschedeni fesch gseh ond sogar no scheldchrotte.

dete esches mega schoen gsii zom schnorchle..

Am donschtig semmer ufd ensle Isabella. da esch di groeschti ensle met 5 vulkaen droffe. Mer hend am morge emene reservat scheudchrotte choenne go aluege. die bliibe det bes si 10 johr aut send ond choeme denn ed freiheit, wousi soesch ned choente oeberlaebe.

anere bocht semmer go haifesch aluege. di schlofe dete onder de stei. leider esch denn grad nome eine dete gsii. aber es esch cool gsii mol eine zgseh...

Am nomittag semmer weder ene bocht go schnorchle. Det hemmer pinguine gseh ond verschede farbigi fesch. De semmer no ufene ussechtsponkt womer sganze dorf gseh hend.

Zobe hets de no en feine abschedscoktail geh, well di meischte vo de gaescht nome 5 taeg bliibe ond am friitig weder goend.

Hoet esch scho friitig ond mer send uf de ensle santa cruz acho. am morge hemmer no riesescheldchrotte gseh. di wiege bes zo 500 kg! di andere send jezt ufe floghafe ond mer warte bis di neue gaescht choeme. mer hend secher no 3 spannendi taeg for eus.

Am maentig fluege mer zrogg nach Guayaquil und verbrenge vorussechtlech no 1-2 taeg e dere stadt.

Hasta Pronto!

Stibe ond kev

Zogfahrt en Riobamba ond de grossi Samschtigmaert

Am Friitig semmer am morge frueh ( am foifi) ufgstande und haend eus ufe waeg zom bahnhof gmacht. vo det us hemmer metem bus ( weder mol) ca zwoi stond muesse fahre uf Alausi.

Det acho esch sgrosse gstoerm losgange. mer hend muesse astoh foerd zogbillet. send aber leider ned di einzige gsii...fasch am schauter acho het eus de buschauffeur gholt und de haemmer met em met muesse, es heigi ke billet meh foer hoet aber er hegi no 5 foere spoeteri zogfahrt. weder emou es affegloeck gha...:)

Nach langem warte semmer de ufs dach vo dem Zog ufgstege. Es esch mega aeng gsii. Zogfahrt esch es einmaligs erlaebnis gsii, de zog esch mega schnaell de baerg abe gfahre ond mer hend en super schoeni ussecht gha uf di omlegende baerge. De Zog het hoet nome no ei einzige Wage, fruehner heter mehreri waege gha..leider duends do en Suedamerika emmer meh, oder fasch nome no, met de bues reise. Esch eigentli schad..

Swarte het sech weder emou glohnt..;)

Em heigoh semmer emene Bus ghocket wo eigentli 40 Setzplaetz gha haett aber secher oeppe 60 luet denne gsii send..ond gschmoeckt hets ou raecht starch...

Am obe semmer ene gueti Pizzeria goge znacht aesse. esch rechtig fein gsii..Mer hend daenkt mer choente jo weder emou es haubeli wii trenke, ond de hemmer uf de charte de wii "Caliente" gseh..Toent ned schlaecht oder?
Womerne de hend welle ischaenke hemmer gmerkt dass das chruegli ganz heiss esch..Mer hend fasch noeme choenne vor lache, womer de gmerkt hend dass uf spanisch "caliente" = "heiss" heisst. Jo ond so hemmer es haubeli heisse wii muesse trenke..esch ned sooooo fein gsii aber defoer ou igfahre..;)

Am samschtig haemmer weder emou usgschlofe.

Am morge semmer denn a grossi Samschtigmaert. Wow di velle luet. da esch de en maert do, ned eso we zriinech oder zchoom. Mer hend ame fasch noeme gwoesst wo aene leuge oder lose..do chasch aues choufe, vo bruuchte schueh oeber bruchti Outopneu ( Continental, gaeu Rolf? jetzt woesse mer wodr di bruchte pneu heschecke ;))

ond lebaendegi huehner, kaninchen, jongi hoend ( foer 8.-) jongi chaetzli, vell verschednigs gemuese, natel, stereoalage, waerchzueg usw....

Womer de nochli wiiter gloffe send semmer ed fleischabteilig choo...di duend en ganzi sou broetle ond nochaene chasch saege wasd wotsch ond de houesis grad ab..hende am stand hets luet gha wos ame grad gaesse hend.. en guete! mer hend emu nachaene ke honger meh gha..

Amene "stand" hend froue s'getreide grad a ort ond stell gmahle..esch no interessant zom gseh we da so zue ond haer goht do..de hesch grad choenne s'froesch gmahlne mehl metneh.

mer hend de no 4 Banane kouft, da het eus grad emou 0.30 fr koschtet. schnaeppli..;)

Eusi Woesch haemmer ene Woescherei brocht. di waesche der alles, glettes ond legges sogar no zaeme. foer 6 kg woesch hemmer 1.80 zahlt. Ond si schmoekt wonderbar..

Mer woensche euch es wonderschoens Wocheaend, foer eus gots morn wiiter nach Guaranda ond de nach Guayaquil. da send oeppe 6 stond busfahre..Jupiii

Hasta luego

adios

Bsuech ufem Vulkan Chimborazo

Buenos Dias

Hoet am morge am achti semmer meteme Taxi rechtig Vulkan Chimborazo losgfahre. Nach guet ere Stond haemmer ne denn ou scho gseh vo wiitem. mer haend de nochli sloch ue muesse fahre ond den semmer ede erschte Hoette achoo. die esch of 4800 meter obe. Es esch zemli chuel gsii. Vo det haemmer muesse loufe. mer send nome schlichend vorwaerts cho well mer die Hoechi haut ned eso gwoehnt send. es esch ou raecht ue gange. phuuu...

Nach oeppe einehaub stond haemmer de die 200 meter zode zwoeite hoette gschafft. mer hend gschnuuffet wenes kamel. ;) Vor eus esch de riesigi Vulkan gsii..WOW! dloft det obe esch scho chli doenn gsii, mer hends scho chli gmerkt..

De erloscheni Vulkan Chimborazo esch ned nor de hoechschti Baerg zequador, sin Gepfel (6310m ) esch of Grond vode aequatoriale Woelbig vode aerde ou de am wiitischte vom Aerdmettelponkt entfaernti Ort.

Es esch en mega schoene Usflog gsii aber mer send nochaene sehr mued gsii ond en stond goge legge...

No es paar idroeck vo Suedamerika wo mer bes jetzt gsammlet hend....

Es esch scho verockt we arm di luet zom teil send. Wenn mer ufeme Baenkli ede Stadt hocket choeme 4-5 Jaehregi chend cho froge oeb si eus choenne D'schueh potze...

Oder wenn mer em restaurant hocket ond znacht esst choemes cho baettle...

Of de strosse verchoufes Zigarette einzeln ond ned ganzi paeckli we be eus, weu sis eifach ned vermoege. Zom teil teiles die Zigarette de no met anderne....

D'busfahrte do send woerkli es Highlight. Die fahre dor Stadt ond eine rueft usem Bus d'ortschaft woner hefahrt ond de chamer wenke ond de istiige...Es stiige e bus mehrmous luet ii ond uus...

Dstrosse send zom Teil sehr loechrig ond schmal, sbusfahre esch woerkli es Abentuer. Womer ede nacht gfahre send semmer froh gsii dass mer ned gseh hend wo dore daser fahrt..Augen zu und durch..(mer seit jo eigentlech dass mer z'equador ke nachtbuess set neh..)

En Busfahrt vo 8 Stond choschtet do 8 Fr.

Es cola-flaeschli choschtet do zwoesche 0.30 ond 0.60 Fr. emene restaurant..

En chliini Pizza Hawaii choschtet 1.45 Fr.

S'Wasser wo do usem Hahne chont chamer ned drenke! Mer choenne ede Schwiiz woerkli froh si so suubers Wasser zhaa..meischtens chont eh nome chauts wasser ede Hostels..brrrr...

D'luet do send sehr haerzlech ond froendlech. Dfroue send sehr speziell kleidet, di meischte hend en Rock a ond es farbigs Tuech oeber d'scholtere. Di chliine chend hends hende oder vore e dene Tuecher igwecklet...

Dlandschaft esch do sehr hoegelig, es goht emmer ue ond abe ond mer esch e choerzischter ziit es paar hoehemeter tuefer oder hoecher...

Jo dass send so die sache wo eus bes jetzt blobe send...es verrisst eim maengisch scho fascht s'haerz wenn mer so sache gseht..

Morn waemmer metem beruehmte zog uf sibambe fahre. De zog fahrt di beruehmt strecke Nariz del Diablo abe. ( Teufelsnase)

Of dem Zog chamer ufem dach metfahre, wenn mer en platz cha ergattere.

Wert secher ou weder en super sach...

Adios amigos

Kev ond stibi

nach quito i dschungel ond de uf riobamba

hola chicas e chicos
z quito semmer die ganzi altstadt goge aluege, verschedeni chelene ond museums ond no zo de maria ofe baerg ue wo die ganzi stadt beschoetzt. det haemmer en hammer ussecht gha oeber die 1.5 millione stadt.
am obe semmer de rechtig d schungel gfahre uf lago agrio. die fahrt esch die ganzi nacht dore gange. det semmer de am morge acho ond haend udf oeise guide gwartet. de esch weder en 3 stoendegi busfahrt cho rechtig dschungel. ufere stross met vellne tueffe loecher ond emene bus wo fascht vonenand gheit esch semmer emmer tueffer i dschungel cho. det semmer de ufenes holzkanu umgstege ond floss abwaerts gfahre. aendlech acho, nach 3 stond haemmer oeises bungalow bezoge. mer haends teilt met 2 deutschen jungs mathias und juergen.
am noechschte morge semmer ufene 2.5 stoendegi dschungel wanderig. det haemer velli pflanze gseh ond es paar spenne ond schmetterlinge. de semmer i see goge bade. am nomittag semmer goge piranias fesche ond haend tatsaechli 2 gfange, auso ned d stibe ond i, aber oeisi groppe.
de semmer no goge krokodil sueche i de nacht. uh das esch no krass gsi. so em donkle met dem kanu onderwaegs zsi. de haemer am ufer gwartet ond es esch tatsaechlech eis cho. es esch 3 meter lang gsi ond mer send nor ca 5 meter vo dem ewag gsi. ond die ouge vo dem krokodil haned mega gluechtet womer met de taschelampe drizoent haend. hammer...
am noechschte tag semmer weder dore sompf goge wandere ond de no en sone stammfamilie goge bsueche. esch mega intressant gsi.
am obe semmer no ufene nachtwanderig dore dschungel ond de mhaemmer no en 2 meter langi boa gseh. det semmer no grad 2 meter devo entfaernt gsi.
womer zroggcho send haemer i oeisere onterkonft no en vogelspenne gseh. ond met dene gedanke haemer de weder versuecht z schlofe.....
am noechschte tag semmer de am 10 weder met em kanu de floss dorufgahre. natuerli hets den em raegewald afo raegne, de haend alli de regeschotz voere gnoh osserd die 2 deutschen und mer 2 haend ne natuerli em camp gloh.. super idee gsi, so hets oeis 1.5 stond lang verscheffet.
de semmer weder zrogg uf quito ond haend de det oebernachtet. de semmer hoet wiiter uf riobamba gfahre met em bus. jetzt semmer zemli kapott ond goehnd gli go schloffe.
mer freue oeis emmer riesig oeber oeichi kommentaer. das esch super.
auso der ghoere weder vo oeis.
peace
stibe ond kev