nachere lange busfahrt semmer de am morge am 7 ni z buenos aires acho.. d busfahrt esch aber ned eso schlemm gsi, send ou nor 17 stond gsi ond wie der gsaehnd haemmer en rechtige luxuscar gha. det chasch auso rechtig de setz zomene bett mache.. andersch geil, guet choschtet ou chli oeppis... aber defoer hets am obe em car no en feine wiskhy geh (hanu grad a rolf daenkt, das haeti der secher ou passt) de zom aesse hets es glas rote geh ond de vorem schlofe no es glaesli champagner.. edel...so macht s bus fahre spass...
de geili waebi het oeis de am morge am 7.15 uf dem busbahnhof empfange ond de semmer de zo ehne id wohnig gfahre.. det haemer echli ploeiderlet ond chli mate tronke.. das esch sones speziells getraenk do..
jo ond de haemer i de letschte taeg nochli d stadt agluegt.. die stadt esch riesig.. het sovel iwohner wie die ganzi schwiiz..andersch als aarau oder zueri...
en citytour haemmer ou no einisch gmacht ond det semmer no es geil tschuttistadion goge aluege vo de boca juniors.. das esch do so zemli die beschti mannschaft.. so wie gc fruehner i de schwiiz..:-)
jo ond geschter haemer natuerli d stibe nochli gfiiret.. send fein goge aesse ond haend en feine rote tronke.. mhhh.. de het sech de no usegstellt, das mer em restaurant vom franco costanzo gaesse haend... er esch de gschaeftsinhaber... das esch jo weder andersch en zuefall gsi.. ond es esch mega fein gsi..
es het de sogar no es feins dessert foer d stibe geh ond foer alli 4 es glas champagner.. edel.. danke franco..
hoet fahre mer de no ab zo de wale... aentli... d stibe mag chum me druf gwarte.. det fahre mer de ou weder so 17 stond bus.. aber damou noemme met somene luxusbus.. aber emmer no metemene sehr guet..
auso wett do mol no e de virginia ond em waebi danke foer die super gaschtfroendschaft.. muchas gracias.. ond mer choeme de i 2 woche weder.. ond de loehmer de a oeisem letschte w-end nomol so rechtig d sou use...
hasta luego
stibe & kev
4 Kommentare:
hey stibe ond kev.
danke danke vell vellmol för diä lieb charte wo der mer gschenkt händ.
mer gots beschtens, geschter han i d'autoprüfig gha, ond jo, leider ned bestande ;D jetzt goht halt d'wäbere nonemol :)
s'het mi mega gfreut öpis vo üch 2i z'ghöre.
i vermesse di mega stibe, freue mech wenn i de weder gsehne :)
en gueti Ziit no.
jo au mer bedanken eus för di härzig charte du maus han s¨föteli vo der metem bluemestruss em gang ufghänkt so häärzig besch eifach en schatz de kevin aber au handers jo scho gschrebe gä kevin gester semmer silo 2008 go luege hammer gsi eifach grandios si spele snächst johr nomol müender au go luege de papi esch höt ond morn of de wanderig met em grossvater ond co si wärde scho em erste schnee loufe jä no der sommer ist vorbei...hoffe ehr send guet acho am hafen der wale freumi gli öpis vo euch zghöre han euch gäärn
anonym hat gesagt ...das wär den ich d mam hihi hans ned so em greff met dem cheibe kompi auso händs guet
Hallo der 2i
Das esch jo super flott vom Wäbi, dass der be em händ dörfe sii. Der send jo rechtig verwöhnt worde. Der gsähnd of jede fall meega glöcklech us der 2 of dene Fotine. Die Büs send jo de Hammer, wenn mer so bequem cha lege, wies Stibi,das esch den en Hit. I hoffe, dass der weder guet wietergreist send onds öich guet goht. De Paps tuet em Roli hälfe am Match, de Speck Markus esch e de Ferie. Höt hämmer gege Menzo-Rienach es wär toll wenn si chönnte gönne. Mer dänke fescht a öich. Mer gsähnd öis jo scho glie mer föie öis!
Hasta pronto
Mami Soli
Kommentar veröffentlichen