nachere anstraengende Reis vo st.martin uf Quito met 2 zwoeschelandige in curacao ond bogota semmer aendlech en ecuador acho..zwar mued ond echli verhoederet vo dene vellne turbulaenze ede loft.
Es esch aues super gange , sgepaeck esch acho ond en flotte herr het eus vom floghafe is hostel brocht. szemmer esch relativ schoen, sogar meteme eigene bad ond warm wasser!!!!!!!
soesch esches aber es paar grad chueler als ide karribik ond heizige hends do wahrschindli ou ned...grrrr...
met es paar verstaendigongs-problem haemmer hoet muesse ofd suechi nacheme neue hostel wells andere leider usbuechet esch..esch jo loschtig, es cha eifach niemer es wort englisch ond mer choenne kes wort spanisch...hihi..
so semmer auso met helf vonere duetsche ofd suechi nacheme hostel gange..nachdem mer oeppe vier mol haend muesse ufd karte luege womer jz ou send semmer de doch no anes hostel aene gloffe.
es choschetet 5 $ pro person ond esch no spannend. shet vell jongi luet ond die ade reception cha sogar ou echli aenglisch. super!!
Grad vorhaer hemmer no en tour en jungle buechet. Los gots morn obe spoot metem bus ergendwo as andere aendi vo ecudor. hihi...mer muend 8 stond metem bus fahre ond da choschtet grad emol 10 $! naja mer muend de nome no acho!:)
Aber da esch secher en super sach, mer fahre metem kanu und moeche nachtwanderige. sganze goht bis am mettwoch ond bis denn semmer bim tarzan uf bsuech! :)
am donnschtig oder bi euch velech scho fritig waerde der de vo eusem usflog ghoere. mer freue eus uf de trip.
Leider hemmer beidi of eusne natel kei empfang do en equador..sorry...esch wahrschindli chli zhoech obe..;)
auso mer muend jetzt ed altstadt a busbahnhof eus goge es ticket ergattere foer morn obe..
mer daenke a euch...
olaaaa
stibi ond kev
Abonnieren
Kommentare zum Post (Atom)
8 Kommentare:
hello stibe, hello kev
schön das ers guet händ. mer fröie öis för öich!! gäll stibe, da met de sproch esch sone sach. velech wäri en spanische sprochfüehrer no guet. leider stoht de i dim zemmer!?!? maldita sea!! (so ein mist)
velech cha de tarzan de jo änglisch? mer send weder zrogg us em elsass. esch sehr schön det! und ebe ned so wiit. weisch wägem mami :)
also gnüsset öiche trip ond lönd weder vo öich ghöre. glg. ma + pa
ola tarzan ond jane!
spannend vo öich zghöre! der erläbe scho cheibe vel! hammer! aber secher ou asträngend! der mache da supi! vellech wär sone eiwöchige spanischkors glich ke seich! smile
@ bene: em kev sim zemmer liit ou no sones schöns belder-spanisch-dütsch-buech! (äuä wärs zschwär gsi zom metneh)!hihi
vel spass em dschungel, säget em mogli en gruess ond göhnd de fiiicher usem wäg! :)
ha öich lieb! gruzzli senti
hei ihr zwöi....
si wider mou uf öiere Site cho i luege, e cooli Sach... aber mer chöme
jedesmou e chli Fernweh über, und möchte am liebschte ou grad be öich si.
Gnüssets und händs guet zäme... häbit
sorg im Tschungel... bes zum nöchschte mou.. LG vo de Nochbere Budis
tschouu zäme!¨
esch geil vo öich z ghöre!! da tönt spannend!! süesses föteli stibi..hihi..kiri hani aso ou no gärn ;-) hihi
jo da tönt no domm wägem spanisch! =) aber der schlöd öich secher dore so wieni öich kenne!! sösch gehts doch no zeichesproch :-)
ouu mega cool... i jungle wörd i ou no metcho!! chli of de böim omechladdere!! *gg* jo grad i wo wäg jedem spenneli defo seckle! hee aso mini schätz i wönsche öich e gueti ziit im paradis vom tarzan!! der send z beniiide! miss you!! nudi
Hey Stibeli und Kev,
Der zwoei händs jo mega guet, und das freut eus reesig. Passet uf em Tschongu. Ha ghoert die Tierli hege immer en riese Honger.
Be eus esch alles im gruene Berich. Euses Joaeneli werd groesser, staercher, schwerer, aktiver und emmer chli fraecher (Aber emmer no em Rahme). Si bereitet eus Tag foer Tag ungloublich veu Freud. Em FC (1) loufts ou ned soooo schlaecht, wenn mer daenkt was foer ne Abgang mer mueend verchrafte!!! Weisch, euse Capitano isch uf Suedamerika gfloge. Ned waegem tschutte. Nei, eifach nur so als Spass!
Nach eme ehr schwache Spel gaege es guets FC Eich (2-5) haemmer gaege Nino Lombardis FC Haegglige besser gschpeut und phasewiis scho chli en Ornig uf em Platz gha. (Bis zur 70. 1-0 gfuehrt und denn no 1-3 verlore.) Es git no veu z verbessere und das waerde mer ou.
So, jetzt goni nochli veruse a d'Sonne. Mer haend ca. 25 Grad warm.
Ganz liebi Grueessli euch beidne und gnuesseds wiiterhin.
Joana, Sandi und Soli
Hallo ehr 2 Liebe
I be de scho froh wenn i weder öppis vo öich ghöre. I tröime z Nacht vo Schlange ond so.Jä no scho bald sette mer weder öppis vo öich ghöre. Mer send scho gspanne
wies be öich gange esch.Mer dänke vel a öich!
Ganz liebi Grüessli
Mami ond Papi
Hoi ihr zwöi liebe
Mir sind au mol of üche Blog go güxle. Schön dass es euch guet got. Mer händ leider ohni euch müesse 1. Auguscht fiire. Ich hoffe ihr händ im Bonze-Tobi und Bonze-Budi eres Fürwärch bis zo üch äne gse :-) (gäu Tobi, aauus am Ranze)
De Kev muess denn jo abartig parat si wenn ihr in Equador im Höhetraining sind ;-)
Ich hoffe mir ghöre bzw. läse gli weder öpis vo öich.
Liebi Grüess
Daniela und Roy
olla
He das tönt jo wörklich toll. mer send weder vo eusne ferie dihei und chönid met euchne precht grad nochli wiiter tröime. grüessid of de galapagos denn d onderwasserwält vo eus,die mues nämmli fantastisch si. hoffe nach dem lange schifffahre send er denn ned au no landchrank! i fende das nämli ame fasch schlemmer nach ere woche scheff schauklets ame no 2 täg derno. of jedefall wönschid mer euch no vell lässigi abendtür und gnüsid die gmeinsami ziit.
alles gueti chrege und flöru
Kommentar veröffentlichen