Hallo zaeme
geschter haemmer dstadt cuenca besechtiget. leider hets denn voll afo raegne ond es esch chalt worde. vell haemmer ned gseh, aber es cools hostel-zemmer hemmer gha. es esch emene aute huus gsi met vell holz, es het kei faenschter gha, nome houzlaede. Em zemmer send zwoi klappbett gstande, ond dmatraze esch ou scho raecht brucht gsii..ond ebe chaut, defoer ou superbellig..eis bett het 3.50 koschtet pro nacht.
am morge semmer wiiter rechtig suede gfahre, naemli uf loja. det semmer jetzt und warte bises 11 am obe esch, denn goemmer uf peru meteme nachtbus. mou luege oeb de da ou klappet, ond oebs eus oeberhoupt oeber dgraenze loend.:)
hoet haemmer no usgraechnet weveu bus dasmer scho gfahre send e dem monet. es send sage und schreibe 46 stond. ond bes zo eusem noechschte ziel en peru sends nomol ca 24 stond. :)
@ daeru ond nudle: geilo du, eus faehle die partys met euch aso ou. aber mer gloube di noechschte choeme jo scho glii...( stibe-fescht, tornerobe,...etc..)
de mr. wilson haemmer noni baschtlet, aber velech chont de da no.. mer weiss nie was no so chont..:)
sbusfahre esch scho emmer astraengend, ond someloufe e dene verschedene staedt ou ame chli aber defoer wert mer ame weder belohnt met ere super schoene ussecht, schoene landschafte und vellne andere schoene sache. es esch eifach mega schoen und idroecklech do.
mer woensche euch vierne ganz schoeni ferie en aegypte ond goend onbedengt go schnorchle, da esch naemli oeppis mega schoens. gnuessets ond haends ganz guet zaeme.
bevors aber los goht ed ferie muend am samschtig gaege schoeftle no 3 poenkt aene. :)
@senti: es freut eus dass du weder guet gstartet hesch em chendzgi. di chend fouge der secher scho mega guet. i hoffe hesch sgschaenkli hoet foere tornverein ned vergaesse...;)
wa moeche der so? uebe der scho foere tornerobe z'zetzbu? we loufts met de vorbereitige foere duathlon ond foerd tornfahrt?
@ meli: Hesch scho raecht, de kevi gseht afi us wene hoehlibewohner.. smile... aber do onde leit mer sowiso ned so waert uf koerperpfleg (emu di meischte ned), de send mer grad no heilig..;) di cheibe stenke ame scho chlii...freut eus, dass de ronny scho zom obertorner ufgstege esch. gueti sach.;)
@ sandi, roli, joana: cool dass joana scho derewaeg aktiv esch ond vo tag zo tag neus entdeckt. cha si scho loufe? mer freue eus dases euch aune guet goht.
@ bene, rolf, lisi ond peti: mer haend freud dass der emmer so fliessig driischriebe ond a eus daenke. mer daneke ou emmer a euch.
@ fc gontenschwil: mer woensche euch en super guete saisonstart am samschtig, gaehnd aues!
sodeli, mer goend jetzt nochli uf entdeckigs tour..
bis glii ond haends guet..
stibi ond kev
Abonnieren
Kommentare zum Post (Atom)
5 Kommentare:
Der cheibe send ou flissig met ineschriebe, do döf mer fasch kei Tag ned go luege sösch esch mer nöm update :-) Esch mega cool immer go läse wo der send ond was der mache.
Hey Stibi, danke veu mou för Dis Gschänkli a eus Tornerinne, du besch en riiiiiiese Schatz. Mer händ auso gester scho flissig is drockli glänget ond eus met dine Traubezöckerli gsteckt ond d'Senti esch de eifach Verantwortlech dass si ou immer schön foll bliebt. Mer händ TEA gmacht ond echli Bodyforming. Das esch scho weder chli nötig nach dere lange Sommerpause :-)
Ond s'Rasta-Stibi gseseht jo hammermässig uf of de letschte Fotine. Do muessmer jo grad alli Männer abinde, hihi!!!
Duathlon esch alles organisert. De Vorverkauf för d'Rockparty esch noni so guet glofe aber mer mache jetzt nomou rächt Wärbig ond de chont das scho guet. Easy peasy gäu Kev ;-) Tornfahrt esch ou plante, mer gönd go Rafte, Öbernachte i de Lenk ond am Sonntig gömmer ine Hochseilpark echli go abseile ond a de Seili schwinge ond Hängebrög ond so. Werd secher loschtig. Ond hey, Nudi esch gester cho Torne. Das fendi jo voll cool. Jetzt send denn bald alli "Sollberger-Froue" im Tornverein. De goht de Poscht ab :-) Natürli ou sösch!!!
Öbrigens hämmer för Joana ou en Blogg afo mache. Esch eigentli noni ganz ready erscht afangs echli de Anfang, aber de chöne der ou öbe emou go luege wenn der loscht händ was si so macht ond so.
www.joana-joy.blogspot.com
Auso jetzt sött i langsam i Kochi, sösch stoht de am 12i no nüt of em Tisch. Guet Busfahre ond bis bal
Sandi
he der 2!
stibeli ha sgschänkli brav metgnoh, wenn i ehrlech be, han i zwar nomou gschwend müesse omchere met em outo, aber i has denn aso no gholt! hehe!
si händ alli freud gha ond i natürli ou! Merci 1000ig, besch e schatz! fählsch natürli scho do be öis em torne, mer send es chliises tröppli!
we dsandi jo scho gschrebe het, hämmer dnudle öberschnörret zom cho luege em torne! hehe!
wämmer hoffe, dass ere gfaue het ond dass si wiiterhen chonnt! :)
de däru het scho rächt, der 2 fähle scho be de feschtlis ond ou sösch! aber gnüssets jetzt ganz fescht, mer feschte de weder met öich partyteger, wenn der zrogg send!
händs guet ond e gueti busfahrt wönsch i öich! lueget,dass der heil achöme!
ha öich lieb!
senti
dank euch han ich mech scho rechtig agfreundet metem compiuter..hihi..esch jede tag spanend zluege öbs ächt öpis neus zläse get!schön das der guet en peru acho send jetz müender halt zersch echli go pfüsele das der nochär weder möge.mer gönd jetz en wald go brötle metem kochclub,häbets guet bes zom nöchschte mol lg bene ond rolfi
Juhuu, da freut mi grad händer eus no es Abschnettli gwedmet! :-) Danke veu veu mol und ou danke, dass der mim graue Büroalltag zwöschenie en Onderbroch gönne :-) hihihi! Glg
Hallo ehr Liebe
Mer send sooo froh, wenns öich so guet goht.Mer händ auso scho chli langi Zyt. jäh no jetzt esch jo scho en Monet ome ond der händ jo scho sehr vel erläbt, mer fröie öis met öich. Be öis verloufts Läbe emmer echli gliech, drom gnüsset die Abwechslig,das händer do ned. Mer wönsche öich no ganz en gueti Reis!
With love
E.u.P.Soli
Kommentar veröffentlichen