sali zaeme
bevor mer us la paz abgreist send, haemmer natuerli em mani no es es chlises plakat bastetlet zom 50. geburtstag, a dere stell nomol alles gueti.
de haemer natuerli em dave ond de corinne ou no 
grd eis baschtlet zor hochziit, hoffe ou der haend en super tag doeffe erlaebe
.
grd eis baschtlet zor hochziit, hoffe ou der haend en super tag doeffe erlaebe.jo womer de met dem plakat uf d stross gstande send, haend alli luet mega gluegt, esch no loschtig gsi. de chef vo oeisere stammbeiz het auso gueti fotine gmacht... danke.
de semmer ebe vo la paz abgreist, wie der velecht ghoert haend, haends do mega problem in bolivie. die cheibe spenne ond goehnd auso rechtig ufenand los. so semmer i de nacht uf potosi gfahre. det esch alles no ruehig gsi. det haemer de am nommitag en bsuech e somene selber-mine-baergwaerk gmacht. das esch ongloublech das mer so em loch onde cha schaffe. hey das stuebt det ond esch warm so 45 m i de aerde enne. mer haend auso scho ou chli angscht gha... (dorom haemmer de mamis nuet devo verzellt..) doch es het sech weder emol glohnt so i dene tunnels ome zschnogge ond mol z gseh wie 
das so esch. zom gloeck het niemer gschaffet, soescht waer jo d loft no vell verreckter gsi. meine wens jo ame no sprenge ond so.. de stuebts jo andersch det enne ond aeng esches ou eso scho gsi...
das so esch. zom gloeck het niemer gschaffet, soescht waer jo d loft no vell verreckter gsi. meine wens jo ame no sprenge ond so.. de stuebts jo andersch det enne ond aeng esches ou eso scho gsi...en bombe haemer de ou no baschtlet ond de azoendet, esch scho no komisch sone cheib e de hand zha, ond de guide het si de noeimet deponiert wos ca 4 minute nachem azoende ond alne fotine mache de ou andersch kloepft het. ond das em freie, mer haend oeis de choenne vorstelle wies kloepft haeti e dem bergwerk enne.
mer send uf jedefau froh gsi semmer weder heil usecho ond send no am laebe. meine mer weiss jo nie wens zaemegheit oder istoerzt. mer haends emu oeberstande ond hend sehr en guete guide gha. de het selber scho det onde gschaffet, het de aber muesse ufhoere waege de gsondheit (roegge).. ond macht jetzt eifach so fuehrige. ond das macht er super..
jo de semmer am noechschte morge en rechtig uyuni abgfahre. die fahrt esch lanschaftlech weder mega schoen gsi. doch es het oeis weder mol 7 stond doregschoettlet, ond de besch eifach froh went weder noeimet achonsch.. ond das semmer de ou ergendeinisch todkapott. de haemer es guets hotel gfonde ond send no fein goge esse. esch so en meschig gsi zwoesche beachbar ond beach restaurant het emu feins aesse geh ond feini drinks..
do z uyuni esch debekannti salar de uyuni (salzsee). ond do hets weder tuuusig tureabieter ond de soetisch ame de rechtig fende,das esch mega astraengend. mer haned emu noni buechet. mer mache do en 3 taegegi tour on am drette tag verloehmer bolivie ond goehnd uf chile. mer send de ebe grad so a de graenze zu chile ond de waers jo hol weder zrogzfahre. woell vo uyuni us esches ou ned so liecht uf argentinie zcho. muesstisch met em zog fahre ond de fahrt ergend am morge am 2.50 uhr ab. ond das woerdi eh weder huere lang goh bes mer weder noeimet waere. ond vo chile us soette gueti bues nach argetinie fahre. mer waerdes de gseh..
auso waebi mer choeme gli... ond freue oeis..
5 Kommentare:
Hey der zwöi. Voll geil was der aues erläbe! I lese emmer weni nor cha öichi Iträg. S Senti het mi of die Site ufmerksam gmacht. Gluschtet mi ou grad chli det go omereise.
Aber zersch gnüssi iez mol Down Under. Be iez im Momänt grad z Cairns. Aber es got de ou nochli quer dors Land. Ha ou e Blog wo sich ab ond zue öbernes Komentärli wörd fröie :o)
www.henderdebar.blogspot.com
Auso wönsche öich wiiterhin aues Gueti, hebet sorg ond bes bald mol.
Glg Tänele
kompliment das esch hammer was der kreiert händ met dene bonte tüecher ihr seid spitze
was euche usflog ed selbermiene betrefft naja esch auso scho besser ich has ned voräne erfahre wär gstorbe vor angst aber esch jo guet gange . d föteli sägen aues .be eus esches chalt worde het scho wiet abe gschneit,wär froh wenn mer chönte heize met 17 grad ede stobe esch es ned so agnähm drom goni jetz echli go lädele of aarau ond de kusi go bsueche wönschen euch wieterhen vel spass ond glöck bes zom nöchste brecht oder telefon han euch lieb mam
salue zäme stibeli ond kev
härzleche dank för die guete wönsch of dem tolle banner wo der äxtra för mech gmacht händ. es esch schad, dass der ned händ chönne debie sie. natürlech wäre mer ou mängisch be öich ond wörde eso veu erläbe. vor auem bem fescht met de wallisser esch secher poscht abgange. i wönsche öich no schöni föif woche ond mer stosse de spöter (vellech em glashus) of min geburri a. en schöni ziit gruss mani
gugussssseli!
ha grad weder a öich dänkt! hihi
wie händers? danke förd ohrerengli! ha si aso chönne liime ond si send mega härzig! merci!
esch schön öich of de föteli zgseh! gsähnd aso gsond ond monter us! hoffentli bliibt das eso! gäu!
be öis eschs höt gruuuusig chaut gsi! jetzt woni heigfahre be nome arsch-chauti 6 grad! :)wie send eigentli tämperature grad be öich? of de fotis sender mängisch ede t-shirts ond denn weder ipackt ede jagge met schal, jo zwar de schal cha mer jo ou alegge, wenns gäg di 30 grad heiss esch! ;) hehe!
he aso händs wiiterhen guet!
knuddel :)
Halli hallo er abendtürer... so i hoffe es klappet das mol met euse komentär. das tönt jo weder einisch spannend. er send jo sehr sportlech i euchne ferie, wandere, velofahre und stangetraining... das gseht nachere supper troppe us wo er gha änd zom feschte. händ er überhaupt no platz zom so vell sache izchaufe? wenns so bellig esch cha mers jo wörkli chum losi. luegid das sie eu de no id schwiiz zrog lönd.... bi eus hets mega gchaltet. mer händ scho der erschti bodefroscht hender eus und send froh das mer chönid heize. de flöru esch halt au chli e memme worde jetzt woner im büro schaffet. mer wönschid eu no e schöni ziit, vell abendtüür und eifach e gueti ziit metenand. liebi grüess flöru und chrege
Kommentar veröffentlichen