de planti trekking haemmer de chorzfreschtig no gstreche.. de grond esch gsi, de chef vom hostel het oeis gseit, dass das kei guete abieter seig. die duend aui 2 moenet de name waechesle ond zo dem pries seig secher kei offizielle guide debii ond zwenig z aesse.. ond do mer eh schochli es schlaechts buchgfuehl gha haend, semmer de ned gange. d stibe esch jo en super schouschpeleri ond het de eine uf chrank gspellt, wo de oeis em hotel het woelle choge abhole..
guet s geld esch de halt waeg gsi...
mer haend de em hotel buechet ond so semmer de en tag spoeter gstartet als 
planet. die ganzi tour haemmer also e 3 taeg muesse mache, anstatt e vier!
planet. die ganzi tour haemmer also e 3 taeg muesse mache, anstatt e vier!mer send de am morge am 6i gstartet met de edit oeisem guide. nach 4 stond buessli fahre semmer de am start vo oeisere wanderig acho.. det haens si oeises gepack uf d esle glade ond mer send abgloffe. nach 4 stond wandere semmer a oeisem erschte camp uf 3850 m acho. mer send scho todkapot gsi ond send echli es zaelt goge pfuse..
de hets no es feins kokateeli geh ond froesch gmachti popcorn.. mhhh.
de haemer choene zueluege wie d edit kochet het, alles froesch zuebereitet.. esch de hammer gsi..
am noechschte morge semmer am 6.00 gweckt worde, weder metemene teeli.. s het rechtig guet do nach sonere chalte nacht..
nachem z morge semmer de abgloffe rechtig punta union, das esch de pass womer droeber haend woelle.
nach guet 3 stond wandere haemer die 1000 hoehenmeter de scho hender oeis gha, ond send uf dem pass obe gsi uf
4750 meter oeber em meer. es hammer gfuehl ond en usbleck eifach fantastisch. die velle baerge met gletscher ond schnee uf de spetze send eifach wonderschoen. nach guet ere stond uf dem pass semmer de weder abgstege ond das emene taempo, wow, ned spatziere sondern das esch walking de baerg ab gsi.. mer send auso mega froh gsi womer oeises 2 te camp uf 4175 meter erreicht haend ond das nach 8 stond wandere.. mer send andersch kapott gsi, leistigssport i dere hoechi, das goht ad substanz.
d stibe het de d hoechi ond die ganzi astraengig ned eso moege verliede, ond no pizzaiolo gspellt..
ond das ned nor einisch..
nachere wietere nacht em zaelt, haemer oeis am morge scho weder ufe waeg gmacht ufd d schloss etappe. es send nomol 1300 hoehenmeter ufem programm gstande,eifach de baerg ab. wer jetzt daenkt das seigi eifacher de duescht sech gewaltig. das esch de nomol id chnoche, oje oje.
aber mer haends gschafft. eifach es geils gfuehl.
am obe semmer de no metemene super car uf lima gfahre. das het die ganzi nacht duret. aber mer send so mued gsi vo oeisere wanderig das mer super pfuset haend.
z lima haemer oeis en bontze tag gleischtet. zerscht semmer goge en flog bueche foer uf cusco. das heisst 1 stond fluege, statt 20 stonde busfahre..
guet de semmer goge d draeckwoesch id waescherei brenge ond de en supermaert goge z aesse choufe.. feine schenke, chaes, essiggorke , parisette, banane ond joghurt esch ned ganz bellig gsi, aber das het guet do. mhhh
nach dem semmer is shoppingzenter chli goge laedele. det haemer oeis trainerhose kouft, noeii liebli, pulis ond was oeis soescht no grad eso id haend gfalle esch, de hets uf alles no 30% geh, niemer weis werom, aber die haend e schiess freud gha a oeis. ond mer am pries. de semmer grad no am coiffeur verbii gloffe ond de kevi esch no grad goge hoor schniede. de bart het de frieseur ou no grad abghoue.. ( @ meli: gsehne auso weder gepflegter us. ou d stibe het weder freud a mer..:-) gloeck gha)
de semmer nochli em starbucks ghocket ond haend kaeffelet..
jo ond de esch scho de hoetigi tag cho, mer hand gedege z moergelet ond send de uf cusco gfloge. do hocke mer jetzt am compi ond schriebe oeich. mer daenke grad a oeich, woel hoet esch jo no de duethlon ond d rockparty. mer woerde gaern met oeich echli feschte hoet..
mer hoffe es het aues klappet ond der haend luet gha..
leider hani scho erfahre dass de fcg (1. mannschaft) verlore het. schade, schade.. aber kopf hoch jungs ond kaempfet wieter de chont de erfolg scho..
jetzt goehmer goge aesse ond goenne oeis secher es haubeli rote..
hasta luego
7 Kommentare:
Hallo ehr zwöi höbsche
Jetzt esch de Kev jo ou weder eine!? Gseht secher weder "besser" us.
Mer gloube öich da serscht mol, dass es sehr aschtrengend gsi esch. So grossi Höhedifferenze e so chorzer Ziit got secher a dSubschtanz. Wa händs öich de för Tee ge? Händer nochäne di ganz Wält rosa ond pinkig gsee? :-) Det hets secher en spezielle "Triebstoff" denne gha, as der so e dene Bärge umeseckle!!
dRockparty geschter esch no guet gsi. Of jede Fall hämmers cheibe loschtig gha. Mer händ echli es gnosch gah, bes alli "schwangere ond invalide" en Setzglägeheit gha händ!? Aber am Schloss het de ou de Soli Fredi no es Plätzli gfonde:-) sKonzert esch ou ned schlächt gsi. Si händ alles ge!
Da met em "Bonze-Tag" händer guet gmacht. Gönnet öich glii weder mol so eine.
Mer wönsche öich wiiterhen en gueti Reis ond vel spannendi Erläbnis.
Rolf & Bene
he der 2!
he kev i ha cheibe fröid gha, wot mer aglüte hesch! danke!
de duathlon ond drockparty hämmer guet hender öis brocht! es esch cheibe asträngend gsi, aber ou cheibe loschtig!
ade rockparty hämmer no rächt lüüt gha. i ha fröid gha, dass so vel gspändli cho send. öich stemmigsmacher hämmer natürli scho rächt vermesst.
fröi mi scho weder ofs feschte met öich! hihi!
göhder jetzt no ofe machu pichu?
händs guet!
ha öich lieb!
Sali zäme der 2 Bergstiegerli
Mer send ganz erstunt dass der eso guet chöne wandere, emu de Kevi(Smile) er sprengt doch lieber em Ball no. Mer send so froh sender weder guet von dene Ande abecho. Mer hoffe em Stibi gohts weder besser,es esch wörkli es tapfers.
Der händ so recht wenn der öich zwöschedore echli verwöhne,schliesslech händer jo Ferie. De Kev gseht weder super us,so schön gepflegt wie mers gärn händ. Jetzt chönne der öich no of die nöchschte Höhepönkt vo öichere Reis fröie!De Marc Storace esch natürli super gsie,sini Stemm esch sensationell! Aber mer händ müesse bes am 12 of sin Uftrett warte, aber denn esch Poscht abgange,s Publikum het super metgmacht. De Tornverein het aues super organisiert gha,es grosses Kompliment för die resig Arbet!
So jetzt wönsche mer öich vo Härze
aues Liebe, Händ öich sorg!
We miss you Elisabeth und Pierre
Hallo Zaeme!
Vo de Elisabeth hani euri Adresse oebercho zom e euches tagebuech inezluege.Das esch jo alles wahnsennig interessant was er do eso erlaebe.Bem laese meini amigs i seig grad saelber derbi.Ou die Foti met dene Pneu,grad we be eus of de Egg,bem Fraenklin,jetz esch mer alles klar woher das chont!!Ich woensche euch witerhin no veli higlights ond alles gueti of euere witere Reis.Danke,dass i euchi Brecht darf laese. liebi Gruess os de chline Schwitz. Trudy G
Hallo ehr zwöi
Ech gloubs jo ned,chum luegtmer e Woche ned i üche Blog,do chomi scho i seich met läse.Jetz beni weder of em nöschte Stand!Es esch wahnsennig spannend,üch of öichere Reis z vervouge.Be letschti Woche chli im schuss gse,wöu i e Panflöteuftrett gha ha.Esch aues guet gange ond es hets sech glohnt z üebe.Ech be öberhoupt kei hersch am Compi,aber be riesig stoutz,das ech üch öppis chliises gschrebe ha.So,jetz muess ech no go es neckerli mache,schösch hani de es Schlofmango...hani jo schöscht scho!!!Hey,liebs Grüessli ond möchids guet.Ruth
Hallo Ihr Lieben!
Wir wünschen euch auf dieser faszinierenden Reise weiterhin viel Spass. Beeindruckende Bilder und verheissungsvolle Texte lassen erahnen, wie toll ihr beiden es zusammen habt.
Wir wünschen euch alles Liebe und vor allem Gesundheit!
Babs und Roli
Kommentar veröffentlichen