Buenos Dias
Hoet am morge am achti semmer meteme Taxi rechtig Vulkan Chimborazo losgfahre. Nach guet ere Stond haemmer ne denn ou scho gseh vo wiitem. mer haend de nochli sloch ue muesse fahre ond den semmer ede erschte Hoette achoo. die esch of 4800 meter obe. Es esch zemli chuel gsii. Vo det haemmer muesse loufe. mer send nome schlichend vorwaerts cho well mer die Hoechi haut ned eso gwoehnt send. es esch ou raecht ue gange. phuuu...
Nach oeppe einehaub stond haemmer de die 200 meter zode zwoeite hoette gschafft. mer hend gschnuuffet wenes kamel. ;) Vor eus esch de riesigi Vulkan gsii..WOW! dloft det obe esch scho chli doenn gsii, mer hends scho chli gmerkt..
De erloscheni Vulkan Chimborazo esch ned nor de hoechschti Baerg zequador, sin Gepfel (6310m ) esch of Grond vode aequatoriale Woelbig vode aerde ou de am wiitischte vom Aerdmettelponkt entfaernti Ort.
Es esch en mega schoene Usflog gsii aber mer send nochaene sehr mued gsii ond en stond goge legge...
No es paar idroeck vo Suedamerika wo mer bes jetzt gsammlet hend....
Es esch scho verockt we arm di luet zom teil send. Wenn mer ufeme Baenkli ede Stadt hocket choeme 4-5 Jaehregi chend cho froge oeb si eus choenne D'schueh potze...
Oder wenn mer em restaurant hocket ond znacht esst choemes cho baettle...
Of de strosse verchoufes Zigarette einzeln ond ned ganzi paeckli we be eus, weu sis eifach ned vermoege. Zom teil teiles die Zigarette de no met anderne....
D'busfahrte do send woerkli es Highlight. Die fahre dor Stadt ond eine rueft usem Bus d'ortschaft woner hefahrt ond de chamer wenke ond de istiige...Es stiige e bus mehrmous luet ii ond uus...
Dstrosse send zom Teil sehr loechrig ond schmal, sbusfahre esch woerkli es Abentuer. Womer ede nacht gfahre send semmer froh gsii dass mer ned gseh hend wo dore daser fahrt..Augen zu und durch..(mer seit jo eigentlech dass mer z'equador ke nachtbuess set neh..)
En Busfahrt vo 8 Stond choschtet do 8 Fr.
Es cola-flaeschli choschtet do zwoesche 0.30 ond 0.60 Fr. emene restaurant..
En chliini Pizza Hawaii choschtet 1.45 Fr.
S'Wasser wo do usem Hahne chont chamer ned drenke! Mer choenne ede Schwiiz woerkli froh si so suubers Wasser zhaa..meischtens chont eh nome chauts wasser ede Hostels..brrrr...
D'luet do send sehr haerzlech ond froendlech. Dfroue send sehr speziell kleidet, di meischte hend en Rock a ond es farbigs Tuech oeber d'scholtere. Di chliine chend hends hende oder vore e dene Tuecher igwecklet...
Dlandschaft esch do sehr hoegelig, es goht emmer ue ond abe ond mer esch e choerzischter ziit es paar hoehemeter tuefer oder hoecher...
Jo dass send so die sache wo eus bes jetzt blobe send...es verrisst eim maengisch scho fascht s'haerz wenn mer so sache gseht..
Morn waemmer metem beruehmte zog uf sibambe fahre. De zog fahrt di beruehmt strecke Nariz del Diablo abe. ( Teufelsnase)
Of dem Zog chamer ufem dach metfahre, wenn mer en platz cha ergattere.
Wert secher ou weder en super sach...
Adios amigos
Kev ond stibi
2 Kommentare:
hallo zäme
hei, das send jo ganz tolli erläbnis!! mer fröie öis mega för öich. es duet secher mol guet, anderi kulture dörfe zgsee. darmuet e dene länder esch för öis fascht ned vorstellbar. do schätzt mer släbe e de schwiiz omso meh weder. ou hämmer mega fröid wen der föteli e blog düend. smami dreit ame fascht döre!!!
mer wönsche öich no ganz vel schöni erläbnis.
gruess, bene + rolf
gugusseli!
hey stibe du hesch ou e schöni jagge! :) gsehsch guet us! gsond ond monter!
"händs guet ond händ öis e öichem härz fescht, händ sorg, was emmer werd si, gloubet a öich ond händ echli vertroue ond wenns mou wörklech nömme goht de dänket a öis" *sing* (häbs guet vo plüsch) :)
Kommentar veröffentlichen