Huhu zaeme
merci vell mol foer euchi liebe Kommentaer..eus choeme ame fasch echli heiweh-traendli...mer freue eus emmer riesig euchi kommentaer zlaese..
Am maentig am morge semmer en Guayaquil es reisebuero. Mer hend welle en tour go bueche ufd Galapagos 
Ensle. Mer hend daenkt, mer muesse secher en Woche oder so Warte bes mer choenne goh well jetzt em momaent grad hochsaison esch. De maa vom reisebuero het de gseit mer choente grad jetzt goh..De flog seg e einehaub stond. Nach ned langem oeberlegge haemmer eus denn defoer entschede. Super last minute Agebot: 8 Taeg Galapagos ufeme first class Scheff. Super!
Ensle. Mer hend daenkt, mer muesse secher en Woche oder so Warte bes mer choenne goh well jetzt em momaent grad hochsaison esch. De maa vom reisebuero het de gseit mer choente grad jetzt goh..De flog seg e einehaub stond. Nach ned langem oeberlegge haemmer eus denn defoer entschede. Super last minute Agebot: 8 Taeg Galapagos ufeme first class Scheff. Super! De esch de stress losgange. mer hend muesse ufd bank ond is Hotel goge euses zueg packe. die vom reisebuero hend eus emmer begleitet. eso schnaeu packt hemmer gloub no nie.:) De semmer ufe floghafe und de vom reisebuero het emmer telefoniert oeb de flogi verspoetig het usw..er het gseit er moechi alles moeglichi aber er choen eus nuet verspraeche. Am floghafe acho haemmer nach 10 minute warte es handgschrebnigs flogbillet oebercho ond hend dord kontrolle choenne. Met gsamtem gepaeck. mer hend muesse warte bes alli igschtege send. es het no zwe plaetz frei gha, eine zvorderscht vore ond eine zhenderscht hende vom flogi..of jede fau het aues klappet, nome hemmer kes roeckflogbillet ede haende gha..hmm..ond mer hends ou bes jetzt 
noni..aber es wert de scho ergendwie klappe metem zroggfluege.
noni..aber es wert de scho ergendwie klappe metem zroggfluege.Uf de Galapagos Insle acho het eus zom gloeck euse Guide abgholt foer ufs scheff. Det am Hafe haemmer scho doeffe die erschte seeloeie gseh. so suess...
Ufem scheff acho hets scho zmettag geh. saesse esch woerkli de hammer. Nochdem mer eusi Kabine bezoge hend und euses gepack verstuot, semmer scho ufe erschti usflog.
Mer send mete Motorboetli weder a land und ane strand goge seeloeie aluege.
Am obe hets de no en Begrueessigs-Coktail geh ond mer hend di ganzi crew kenneglehrt. Mer send 15 Gaescht ond 8 crew metgleder an bord.
Dord nacht semmer ufd insle Espagnola gfahre. Es het scho chli gschwanket, esch no es komisches gfuehl wenn mer em bett liit..mer hend de gliich einisch euse schlof gfonde..
Am dienstag womer zmorge gaesse hend semmer ane strand wos mega vell seeloeie gha het. di send eifach dete glaege ond hends sech oeberhoupt ned lo stoere vo dene vell toureschte. Mer send de dete nochli goge schnorchle ond de kev het sogar no en hai gse onderem stei legge. d'seeloeie send mega verspellt, si send emmer om eim omegschwomme. loschtig gsii...
Oebere mettag semmer den wiitergfahre uf di ander siite vode ensle. Uf dere fahrt hemmer vo wiitem sogar no en wal gseh.. wow!!
Am nomitag hemmer de vell iguanas gseh ond verschedeni Voegu ufere schoene wanderig.
Dord nacht semmer weder wiitergfahre ufd ensle Floreana. Det haemmer en alti poschtstell bsuechet. emene faechli hets ganz vell poschtcharte vo luet wo dete gsii send, mer bruucht ke marke. dluet wo det aene choeme, luege poschtcharte dore, ond de chamer die metneh wo foer is heimatland send, ond die de persoenlech oeberbrenge. Da esch en alti tradition vo dere ensle, dseemaenner hend eso nochrechte ede froue oeberbrocht fruehner.
Mol luege oeb eusi charte de ou einisch choeme.
Mer hend nochaene no en lava-hoelli bsuechet. det esches stockfeischter gsii drenenne.
Am nomittag semmer weder goge schnorchle. Det hemmer velli verschedeni fesch gseh ond sogar no scheldchrotte.
dete esches mega schoen gsii zom schnorchle..
Am donschtig semmer ufd ensle Isabella. da esch di groeschti ensle met 5 vulkaen droffe. Mer hend am morge emene reservat scheudchrotte choenne go aluege. die bliibe det bes si 10 johr aut send ond choeme denn ed freiheit, wousi soesch ned choente oeberlaebe.
anere bocht semmer go haifesch aluege. di schlofe dete onder de stei. leider esch denn grad nome eine dete gsii. aber es esch cool gsii mol eine zgseh...
Am nomittag semmer weder ene bocht go schnorchle. Det hemmer pinguine gseh ond verschede farbigi fesch. De semmer no ufene ussechtsponkt womer sganze dorf gseh hend.
Zobe hets de no en feine abschedscoktail geh, well di meischte vo de gaescht nome 5 taeg bliibe ond am friitig weder goend.
Hoet esch scho friitig ond mer send uf de ensle santa cruz acho. am morge hemmer no riesescheldchrotte gseh. di wiege bes zo 500 kg! di andere send jezt ufe floghafe ond mer warte bis di neue gaescht choeme. mer hend secher no 3 spannendi taeg for eus.
Am maentig fluege mer zrogg nach Guayaquil und verbrenge vorussechtlech no 1-2 taeg e dere stadt.
Hasta Pronto!
Stibe ond kev
6 Kommentare:
Hey Stibi ond Kev
Das tönt jo weder mega spannend, jetzt wäri ou weder grän debi aber im Bungalow met de Vogelspinne wäri gloub z'Spinne cho :-)
Jo so Tier i de Wildnies z'beobachte macht mega spass. Mer händ ou scho es paar mou chöne go schnorchle, das fendi de Hammer ond chönt dene Fisch ond so stondelang zueluege. Mmmh aber Pinguine hämmer auso no nie freiläbend gseh, das esch secher ou mega speziell.
Der mache das wörklech super, eifach mou los ond luege wies wieter go ond was weder chont, ohni Sorge, eifach Kev- und Stibe-Like!!
Mer händ auso gester ou weder agfange met Torne. Händ en gmüetlichi Bike-Tour gmacht ond send denn go Pizza-Küechli ässe i Vezi. MMMHHHH.
Tornfahrt semmer ou am plane, werd ou echli Adventure ghe.
Joana macht ou weder vo Tag zo Tag neui Entdeckige. Jetzt dued si zo de Musig met de Händ ond Finger metdanze. Do gosch abe. Ond alli Schublade usraume ond dornöisli dued si ou au Tag. Be emou beschäftigt, hihi.
Auso witerhin veu Spass.
Liebi Grüess
Roli, Sandi ond Joana
Hello ehr zwöi
Das esch jo mega spannend!! Mer fröie öis ganz fescht för öich, das ehr so schöni sache chönne gsee ond erläbe. Schnorchle esch secher sehr speziell. Het de kev ned echli angscht gha woner de hai gsee het? :) sMami esch fascht doregstartet, wo si dech gsee het e di höli abe stiege! Si het gseit, da wär definitiv nüt för si. Kennsch si jo.
Be öis esch alles io. Eifach fascht echli zruhig!! Mer vermesse öich scho echli. De stritzi haltet öis nochli of trab! Macht we emmer en huffe seich.
sWätter esch ou weder besser. Mer händ so langsam echli bedänke gha, dass mer weder emol müesse stiefel alegge. Aber es esch zom glöck alles guet gange. (Weisch kev, öisi verbouig womer gmacht händ stout ebe fascht echli zfescht!?!?)
Danke, das es öis emmer met öichne spannende brecht versorge.
Jetzt hoffe mer das er weder en flog chönne ergattere. Sösch mues de kev halt de ruedere :)
Möchets guet ond schriibet glii weder.
Mega liebi grüess usem bluemewäg.
bene + rolf
he der 2 gäbige cheibe!
da tönt jo weder supi! so kuul! ond danke förd föteli wo der emmer dri tüend! dasch emmer schön, öich gsond ond monter z'gseh! hihi!
i ha ou scho weder e woche gschaffet ond es het ned schlächt klappet met de neue chend! :)
gnüsset de räscht no of dene inseli ond flüget de weder guet zrogg as feschtland!
@stibi: ha leider dis gschänkli ond sbriefli för tornerinne am donnschtig vergässe, aber am nöchschte donnschtig öbergeb is denn! hihi! es hätt mi scho laaaang wonder gnoh, was drenne esch! :)
fröie mi weder vo öich zläse!
ha öich lieb
was i no vergässe ha dsäge:
DER MACHE DA MEEEEEEGA GUET! I BE CHEIBE STOUZ OF ÖICH, WE DER DA MEISCHTERE!!! WIIIIIIITER SO! :)
Hallo ehr 2 Supertypli!
Kev wo du aglütet hesch beni total öberrascht gsie,ha zersch gmeint es seg es Wetzli.Es esch gsie wie wenn du nome Zetzbu äne besch.Ha mega fröid gha!Mer send emmer glöckli wenn mer öppis vo öich ghöre,der mache das wonderbar!Geschter semmer spontan no ad Schlagerparty es Glashuus,de Mani het gfrogt ond de send nos Ulmanns zwöi metchoh! Es het rächt vel Lüt gha, aber der 2 Partyfreake händ scho gfählt! Es het mega Spass gmacht.Be öis lauft alles wie emmer,mer händ vel Arbet ond öisi Lüt schaffe super.Der send öises Highlight, das get en schöni Abwechslig e öise Alltag.
Gnüssets ond händs schön metenand,mer send e öisne Gedanke be öich!
Aues Liebe Mami ond Papi
Hoi Zäme! Wie mer ghört gohts öich mega guet, da fröit mi z ghöre!! Esch secher schön, so vell Tier z gseh wome vorhär no nie gseh het! Sie gsänd ämu mega süess us! *jöö*
Schöni föteli!
Am Samschtig semmer no a de Schlagersahne gsi..es esch weder mou de absolut burner gsi!! Mer send weder is Zihl go ässe! S Senti, d were ond ich! Zom dessert hets no för alli Kafi Träsch geh! =) Be de nöchschte Schlagersahne gömmer de weder alli zäme!! *verliebt, verloren, vergessen verzeihen...tralalalalaa*
Mer gönd am sonndig ou id ferie! De gohni de ou chli go schnorchle!!E woche of Aegypte! De Säschu, d Sändle ond mer zwöi! =) Werd secher no loschtig! Of jede fall chanis chum erwarte! Weder mou chli abschalte! I fröi mi sooo..
He aso mini liebe, i wönsche öich no e schöne tag ond bes zom nöchschte mol!
Liebe gruess nudle
Kommentar veröffentlichen