Nachdem mer zloja zobe abgfahre send rechtig peru semmer am morge am haubi vieri ade graenze gsi. det haemmer muesse warte bes de graenzwaechter ufgstande esch ond eus de usreisestaempfu gmacht het. 50 meter wiiter vore esch di peruanisch graenze gsii womer nomou en staempfu e euse pass becho hend. de maa het sogar echli duetsch gret. da esch no loschtig gsii..sganze het ca 1 stond duret ond de semmer weder wiitergfahre rechtig piura.
zpiura semmer denn am achti am morge meteme andere bus uf chiclayo wiitergfahre 2 stond. zchiclayo semmer denn nochli ede stadt omegloffe. det semmer a "haexe-maert" det haends ganz vell verschedeni chruetli ond metteli foer jedes wehwehli...weu de kevi scho laenger en warze am duume het haemmer daenkt mer choente jo mol go froge. er het eus de tatsaechli es metteli geh, es gseht scho echli grusig us ond es schmoekt ou eso.
oebs noetzt schriebe mer den no..;) mer hoffes...
vo chiclayo us semmer de rechtig trujillo gfahre. da het nomol ca 3 stond duuret. mer haend uf dere fahrt en mega schoene ond bequeme car gha. esch rechtig schoen gsii..:)
mer haend ou d'ande scho chli choenne gseh usem faenschter.
Z'trujillo haemmer denn ei nacht verbrocht bevors am noechschte morge wiitergange esch uf chimbote. det acho haemmer ou scho weder es bilet muesse go loese foer uf huaraz. es het nome no ei gsellschaft geh wo am zwoelfi am mettag gfahre esch. di andere fahre soesch aui dor d'nacht.
de bus esch de absolut d herti gsi, esch de schlemmschti gsi womer bes jetzt gha haend..
es het eifach aues klapperet ond klepperet.. ond de setz esch kapott gsi ond d chend hender oeis haend de ganzi waeg kotzet.. wonderbar..
nach 2 stond uf asphalierte strosse semmer de dors canon de pato gebiet gfahre.. das esch voll dor d'ande dore ond d stross het nor ches und sand gha ond velli loecher.. ond de no tunels wo de chauffeur emmer zerscht het muesse huppe, woell er jo ned doregseh het ond s nor eispurig gsi esch.. auso voll de naervekitzel..
d strosse haend so usgseh wie obe uf de fotine..
doch die schoeni baerge ond floess haend aues halb so schlemm gmacht.. d ussecht esch eifach de hammer gsi...
d rocksaeck haend die erschti fahrt ufem dach verbrocht ond haend naechaene ou derno usgseh..
ond ca 1 stond vorem ziel haemmer de no rasch muesse s rad loese ond oepis rechte, kei ahnig was... mer send emu heil acho. es het oeis zwar alles weh do ond send todkapott gsi.. aber en warmi duschi ond es bequems bett haend oeis emene sehr familiaere hostel erwartet..
hoet haemmer oeis echli erholt ond morn am morge am saechsi gohts ufene 4 taegegi trekking tour met esel ond zaelt.. wenn das nor guet chont..
liebe gruess id schwiiz
stibe + kev
4 Kommentare:
Hoi zäme Die erste Mannschaft hat leider das erste Spiel gegen Schöftland 1:2 verloren, (vermutlich fehlt Kevin ein bisschen) konnte leider nicht an den Match werde aber beim nächsten Spiel dabei sein und Dir mehr über das Spiel schreiben.Chantal hat sich in den Finger geschnitten und fehlt 4 Tage,jetzt müssen halt die Anderen etwas mehr machen!! Heute haben wir noch Sitzung mit der Fachkommission des Aargauischen Bäckermeisterverbandes ( Prüfungen,
Überbetriebliche Kurse usw.) Es wird uns nicht langeilig. Aber sonst läuft alles normal. Machets guet Gruess Pierre
auso ich gloube e sache busfahre chan euch e zuekonft nüd me erschötere !! s`anita möcht met eus of prag met em bus oie das gjommer vom kusi ond em papi (solang bus fahre !!)mol luege öb mer si chöne öberzüge das da nüd esch gäg euchi fahrte.ben em flexibar gsi ,ganz en liebe gruess vom chregi.ond zmettag goni metem margrith go wolke,weisch steffi ich muess luege das de tag usgföllt esch sösch hani vell zfescht langizit nach euch !so auso hoffentlech verwötscheder ned en störrischen esel of jedefall wönschi euch fell vergnüege bes gli knuddel mam
tschou zäme
läck der send jo zwöi wahnsennigi, dass der nach 30 std. carfahrt am nöchste morge scho werder met eme esu ond eme zält of piste gönd. för meh send ame die 4 std em car nach sölde scho en quau ond cha de ame det nöm e usgang(veu zmüed). de isatz ond de onermüedlech kampf het ou geschter ede erschte mannschaft gfäut. mer händ em mettufäud ede letschte haubstond gloub nome no öppe 4 zwoikämpf gonne.
aber es chonnt scho guet, denn es het ou öppe en liechtbleck geh ond saison esch jo no jong. öich zwöi wönschi no veu tolli erfahrige ond nämd's ou öppe einisch echli rüiger. gruess mani
Hey der zwe traveler, tönt auso andersch guet be euch!! Chome huere s färnweh öber weni das lese!! Wettt ouuuu...
Aber glich, mer göhnd jo ou scho baud ed ferie, 2 woche bali esch ned schlächt vöre afang!!
Em momänt schlohni mi grad met hälferprobleme am duathlon dure, aber baud escher weder dore!!
Hey gnüsset euche räschte no, denn der wösset ned wenn der chönne s nächscht mau goh!!! be mer esches ou scho weder 3 Johr här set downunder!!
Bes baud ond e muntsch us aarburg- east..
Fabi ond Phipu
Kommentar veröffentlichen