hola chicas e chicos
z quito semmer die ganzi altstadt goge aluege, verschedeni chelene ond museums ond no zo de maria ofe baerg ue wo die ganzi stadt beschoetzt. det haemmer en hammer ussecht gha oeber die 1.5 millione stadt.
am obe semmer de rechtig d schungel gfahre uf lago agrio. die fahrt esch die ganzi nacht dore gange. det semmer de am morge acho ond haend udf oeise guide gwartet. de esch weder en 3 stoendegi busfahrt cho rechtig dschungel. ufere stross met vellne tueffe loecher ond emene bus wo fascht vonenand gheit esch semmer emmer tueffer i dschungel cho. det semmer de ufenes holzkanu umgstege ond floss abwaerts gfahre. aendlech acho, nach 3 stond haemmer oeises bungalow bezoge. mer haends teilt met 2 deutschen jungs mathias und juergen.
am noechschte morge semmer ufene 2.5 stoendegi dschungel wanderig. det haemer velli pflanze gseh ond es paar spenne ond schmetterlinge. de semmer i see goge bade. am nomittag semmer goge piranias fesche ond haend tatsaechli 2 gfange, auso ned d stibe ond i, aber oeisi groppe.
de semmer no goge krokodil sueche i de nacht. uh das esch no krass gsi. so em donkle met dem kanu onderwaegs zsi. de haemer am ufer gwartet ond es esch tatsaechlech eis cho. es esch 3 meter lang gsi ond mer send nor ca 5 meter vo dem ewag gsi. ond die ouge vo dem krokodil haned mega gluechtet womer met de taschelampe drizoent haend. hammer...
am noechschte tag semmer weder dore sompf goge wandere ond de no en sone stammfamilie goge bsueche. esch mega intressant gsi.
am obe semmer no ufene nachtwanderig dore dschungel ond de mhaemmer no en 2 meter langi boa gseh. det semmer no grad 2 meter devo entfaernt gsi.
womer zroggcho send haemer i oeisere onterkonft no en vogelspenne gseh. ond met dene gedanke haemer de weder versuecht z schlofe.....
am noechschte tag semmer de am 10 weder met em kanu de floss dorufgahre. natuerli hets den em raegewald afo raegne, de haend alli de regeschotz voere gnoh osserd die 2 deutschen und mer 2 haend ne natuerli em camp gloh.. super idee gsi, so hets oeis 1.5 stond lang verscheffet.
de semmer weder zrogg uf quito ond haend de det oebernachtet. de semmer hoet wiiter uf riobamba gfahre met em bus. jetzt semmer zemli kapott ond goehnd gli go schloffe.
mer freue oeis emmer riesig oeber oeichi kommentaer. das esch super.
auso der ghoere weder vo oeis.
peace
stibe ond kev
Abonnieren
Kommentare zum Post (Atom)
5 Kommentare:
he der 2!
abenteuer pur, he! schlange, spenne, krokodil... we em zoo! :) nome eschs be öich chli spannender!
was mache der den zriobamba so? göhnder no ofd galapagos-insle?
i ha emmer fröid vo öich zläse! esch mega interessant för die daheimgebliebenen! hihi
be google-earth luegi emmer wo der grad send! mega kuul! smile
be mer esch di letscht feriewoche gli verbie! macht nüt! ha jo jetzt langi ferie gha! jetzt muess i nochli e chenzgi go vorbereite! händs guet zäme ond lueget guet zonenand!
hög
senti
auso da esch jo scho grad e chli verockt was der zwoi aues erläbe mini maus ond so gföhrlechi ficher!lese grad en komentar öber riobamba jo euch werds secher ned langwilig .be eus braut sech es gwetter zäme ui ui ui voreme johr hämer hochwasser gha !auso machets guet dänke emmer a euch ond freue mi riesig wenn ich weder vo euch ghöre!glg bene
Hoi zäme er liebe
Das esch super we der das mache, be froh, dass es euch guet got.
E de Backstobe gänds sech alli sehr mühe ond mache en guete Job, aber de Kev wo mech emmer super onderstötzt fehlt halt scho.
Gnüssets ond händ sorg zonand.
elg Pierre
Hey der 2!
Cool was der so erläbe! Tönt meag spannend! Da met dem Blog esch wörkli en gueti Idee. Freue mi scho uf d Biträg vo Peru ond Bolivie. De händ ehr de secher chli Tips wos Blüemlli ond i de em Herbst uf euiser Reis chönd bruche!
Machets guet ond vel vel Spass!
Guess
Jones
Hallo zäme
I be sooo froh,dass der weder e de
Zivilisation send ond alles guet gange esch!!Esch jo toll was der alles erläbt händ cheibe muetig!Esch haut scho herrlech so en Reis,es gloschtet me ou grad.Be öis esches fascht z heiss zom schaffe,mer lönd öis noni so lo stresse.Am Sonntig esch Waldfescht mer send nochli am Läbchueche verpacke.Mer rede vel vo öich ond reise e Gedanke echli met. Der mached das super, wie Profis!
Vo Härze liebi Grüessli i omarme öich
Elisabeth S.
Kommentar veröffentlichen